AbaseFiliphi 2:17 - iBhayibhili Elingcwele 1978

¹⁷ Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

IBhayibhili Elingcwele LesiNdebele

¹⁷ Kodwa lanxa ngithululwa njengomnikelo wokunathwa phezu komhlatshelo lenkonzo evela ekukholweni kwenu, ngiyathaba ngithokoza lani lonke.

AbaseFiliphi 2:17 ပူးပေါင်းရင်းမြစ်များ

AmaNani 28:6

Lo ngumnikelo wokutshiswa wensuku ngensuku owamiswa entabeni yaseSinayi, ube liphunga elimnandi lomnikelo owenziwe ngomlilo eNkosini.

AmaNani 28:7

Umnikelo wokuthululwa oqondene lomnikelo lo uzakuba ngokwesine kwehini ngewundlu linye; lizakuthululela iNkosi umnikelo wokuthululwa wewayini endaweni engcwele.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

2 AbaseKhorinte 12:15

Minake ngijabulela kakhulu ukunikela konke, yebo, ngizinikela mina uqobo ngenxa yenu. Uba ngilithanda kakhulu, kanti mina ngifanele ukuthandwa kancinyane na?

2 AbaseKhorinte 4:12

Ngakho ukufa kuyasebenza kithi, kodwa kini kusebenza ukuphila.

2 AbaseKhorinte 6:10

njengabalosizi, kanti siyathokoza njalonjalo; njengabayanga, kanti sinothisa abanengi; njengabangelalutho, kanti silakho konke.

2 AbaseKhorinte 7:4

Ngiyalithemba kakhulu, ngiyaziqhenya ngani; yinkulu induduzo yami; phakathi kwazo zonke inhlupheko zethu ngilentokozo enkulu.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

AbaseFiliphi 2:18

Ngokunjaloke thokozani lani, lithokoze kanye lami.

AbaseFiliphi 2:30

ngoba ngenxa yomsebenzi kaKristu waphose wafa edela ukusila kwakhe, ukuze aphelelise okusileleyo ekungisebenzeleni kwenu.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

1 AbaseThesalonika 2:8

Njengoba besilithanda kangaka, safisa ukulinika kungesilo ivangeli likaNkulunkulu kuphela, kodwa lokusila kwethu uqobo, ngoba laselingabathandekayo kithi.

2 uTimothi 4:6

Ngoba mina sengilungele ukwenziwa umnikelo, lesikhathi sokusuka kwami sesifikile.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

1 UJohane 3:16

Uthando silwazi ngalokhu ukuthi uKristu wadela ukuphila kwakhe ngenxa yethu; lathi sifanele ukudela ukuphila kwethu ngenxa yabazalwane.