AbaseFiliphi 2:15 - iBhayibhili Elingcwele 1978

¹⁵ ukuze lingasoleki, libe msulwa, abantwana bakaNkulunkulu abangelasici phakathi kwesizukulwana esingaqondanga lesiphambeneyo, elikhanya phakathi kwaso njengezinkanyezi emhlabeni;

IBhayibhili Elingcwele LesiNdebele

¹⁵ ukuze libe ngabantwana bakaNkulunkulu abangelasici labahlambulukileyo, abamsulwa phakathi kwesizukulwane esonakeleyo lesixhwalileyo, lina elicwebezela phakathi kwaso liletha ukukhanya emhlabeni

AbaseFiliphi 2:15 ပူးပေါင်းရင်းမြစ်များ

AmaHubo 122:5

Kwamiswa khona izihlalo zokwahlulela, izihlalo zobukhosi zendlu kaDavida.

U-Eksodasi 34:35

labakoIsrayeli babebona ukuthi isikhumba sobuso bakhe siyakhazimula; abesephinda embomboza ubuso bakhe ngeveli aze angene futhi ukuyakhuluma layo.

Izaga 4:18

Indlela yabalungileyo injengovivi lokusa oluqhubeka ngokukhanya njalo kuze kube semini;

Izaga 8:8

Wonke amazwi ami alungile, kalikho lelilodwa elitshilekileyo lelingaqondanga.

U-Isaya 60:1

Vuka, Jerusalema, ukhanye, ngoba ukukhanya kwakho sekufikile, lenkazimulo yeNkosi isikhanya phezu kwakho.

UDanyeli 6:4

Abongameli lezikhulu basebefuna ulutho uDaniyeli abangamsola ngalo mayelana lombuso; kodwa behluleka ukuzuza ulutho abangamsola ngalo lokuzuza icala, ngoba wayethembekile engelaso isiphosiso lecala.

UMatewu 10:16

Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.

UMatewu 17:17

UJesu waphendula wathi: O sizukulwana esingakholwayo lesonakeleyo, koze kube nini ngilani na? Koze kube nini ngilibekezelela na? Iletheni kimi.

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

ULukha 6:35

Kodwa thandani izitha zenu, lenze okuhle, leboleke, lingalindeli mvuzo; lomvuzo wenu uzakuba mkhulu, libe ngabantwana boPhezukonke, ngoba yena ulobubele kwabangabongiyo lababi.

UJohane 5:35

Yena wayeyisibane esivuthayo lesikhanyayo; lani lathokoza okwesikhatshana ekukhanyeni kwakhe.

Imisebenzi 2:40

Wafakaza langamanye amazwi amanengi, wabalaya wathi: Zisiliseni kulesisizukulwana esiphambeneyo.

Imisebenzi 20:30

laphakathi kwenu kuzakuvela amadoda akhuluma izinto eziduhisayo, ukuze ahuge abafundi ukuba bawalandele.

AbaseRoma 16:19

Bonke sebezwile ngokulalela kwenu; ngakhoke ngiyathokoza ngani; kodwa ngithanda ukuba lihlakaniphe kokuhle, libe ngabangahlakaniphanga kokubi.

1 AbaseKhorinte 1:8

yena ozakuliqinisa kuze kube sekupheleni, lingabi lacala ngosuku lweNkosi yethu uJesu Kristu.

2 AbaseKhorinte 6:17

Ngakhoke phumani phakathi kwabo, lahlukane labo, kutsho iNkosi; lingathinti okungcolileyo; ng’khonake ngizakulamukela.

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

UDutheronomi 32:5

Bonile kuye, kabasibo abantwana bakhe ngenxa yesici sabo, bayisizukulwana esiphambeneyo lesingaqondanga.

AbaseFiliphi 1:10

ukuze likwazi okuhle kakhulu, lize lihlambuluke lingasoleki kuze kube sosukwini lukaKristu,

AbaseFiliphi 3:6

ngokokukhuthala ngazingela ibandla; ngokulunga okusemlayweni ngingongasolekiyo.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

1 uTimothi 3:10

Labo kabaqale bahlolwe, andubana babekwe izikhonzi uba bengasoleki.

1 uTimothi 3:2

Umalusi webandla umele ukuba abe ngumuntu ongasolekiyo, indoda elomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa,

1 uTimothi 5:14

Ngakhoke ngithanda ukuba abafelwakazi abatsha bende, bazale abantwana, baphathe kuhle imizi yabo, bangasiniki isitha ithuba lokuthuka.

1 uTimothi 5:20

Abonayo ubasole phambi kwabo bonke ukuze besabe labanye.

1 uTimothi 5:7

Laya ngalezizinto ukuze bangasoleki.

UThithu 1:6

uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.

UThithu 2:10

zingantshontshi, zithembeke ezintweni zonke, ukuze zicecise isifundiso sikaNkulunkulu kukho konke.

UThithu 2:15

Tshumayela lezizinto, ulaye, ukhuze ngamandla wonke. Ungadelelwa muntu.

AmaHebheru 7:26

Umpristi omkhulu onjalo usifanele thina, ongcwele, ongelacala, ongelasici, owahlukanisiweyo kuzo izoni, owaphakanyiselwa emazulwini.

1 UPhethro 2:12

lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

2 UPhethro 3:14

Ngakho, bathandekayo, lokhu lisalindele lezozinto, tshisekelani ukuba lifunyanwe nguye lingelacwatshana, lingelasici, lilokuthula.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.