AbaseFiliphi 1:27 - iBhayibhili Elingcwele 1978

²⁷ Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

IBhayibhili Elingcwele LesiNdebele

²⁷ Loba kusenzakalani, lina ziphatheni ngendlela efanele ivangeli likaKhristu. Ngakho, langabe ngiyeza ukuzalibona loba ngizwe nje kuphela ngani ngingekho, ngizakwazi ukuba liqinile ngaMoya munye, lilwela ukholo lwevangeli njengomuntu munye,

AbaseFiliphi 1:27 ပူးပေါင်းရင်းမြစ်များ

1 ImiLando 19:12

UJowabi wathi kuye: Uba amaSiriya engahlula, uze ungisize; uba amaAmoni ekwahlula, ngizakuza ukukusiza.

AmaHubo 122:3

Wena, Jerusalema, wakhiwe waba ngumuzi ohlangene waqina,

AmaHubo 133:1

Khangela, kuhle kangaka kumnandi ukuba abazalwane bahlale ndawonye babe munye.

Izaga 22:23

ngoba iNkosi izakumela indaba yabo, ichithe ukuphila kwababachithayo.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UMatewu 12:25

Kodwa eseyazi imicabango yabo uJesu wathi kubo: Ilowo lalowo umbuso owahlukene phakathi, uyachitheka, lalowomuzi ingabe indlu eyahlukene phakathi, ingeme.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

Imisebenzi 24:24

Emva kwensuku ezithile uFelike weza loDrusila umkakhe owayengumJudakazi, wabiza uPawuli, wamuzwa ekhuluma ngokukholwa okukuKristu Jesu.

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

AbaseRoma 1:16

Ngoba kangilanhloni ngevangeli; lingamandla asilisayo kaNkulunkulu kulowo okholwayo, kumJuda kuqala lakumGriki.

AbaseRoma 1:5

Samukela ngaye umusa lobuphostoli ukuba kube khona ukulalela kokukholwa ezizweni zonke ngenxa yebizo lakhe,

AbaseRoma 1:9

UNkulunkulu, engimkhonza emoyeni wami ngevangeli leNdodana yakhe, ungufakazi wami wokuthi kangiyekeli ukulikhumbula emikhulekweni yami

AbaseRoma 10:8

Kodwa kuthini na? Kuthi: Ilizwi liseduze lawe, lisemlonyeni lasenhliziyweni yakho; okutsho ilizwi lokukholwa esilitshumayelayo.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 15:29

ngiyazi ukuthi nxa ngisiza kini ngizakufika ngilesibusiso esipheleleyo sikaKristu.

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

2 AbaseKhorinte 9:13

Ngoba ngokubona linkonzo abanengi bazakudumisa uNkulunkulu lapho bebona ukulalela kwenu ekuvumeni ivangeli likaKristu, lalapho bebona ukuphana kwenu ekusweleni kwabo lekusweleni kwabo bonke.

AbaseGalathiya 1:7

kungesilo elinye, kodwa bakhona abalididayo bethanda ukuhlanekela ivangeli likaKristu.

Abase-Efesu 1:13

Lani, eselizwile ilizwi leqiniso elilivangeli lokusiliswa kwenu lakholwa kuye, libekwe uphawu loMoya oNgcwele othenjisiweyo

Abase-Efesu 1:15

Ngenxa yalokho lami, esengizwile ngokukholwa kwenu eNkosini uJesu lothando lwenu kubo bonke abangcwele,

Abase-Efesu 4:1

Ngakhoke mina sibotshwa ngenxa yeNkosi ngiyalincenga ukuba lihambe ngokufanele ukubizwa elabizwa ngakho,

AbaseFiliphi 1:5

ngokuhlanganyela kwenu evangelini kusukela osukwini lokuqala kuze kube khathesi.

AbaseFiliphi 2:12

Ngakhoke, bathandiweyo bami, njengalokho lilalela ngezikhathi zonke, kungesikho nxa ngikhona kuphela, kodwa ikakhulu nxa ngingekho, phelelisani umsebenzi wokusiliswa kwenu ngokwesaba langokuthuthumela,

AbaseFiliphi 2:24

Njalo ngiyathemba eNkosini ukuthi lami ngizakuza kini masinyane.

AbaseFiliphi 3:18

Ngoba abanengi, engalitshela kanengi ngabo, lakhathesi ngilitshela ngezinyembezi, bahamba njengezitha zesiphambano sikaKristu;

AbaseFiliphi 3:20

Kodwa thina ikithi lisezulwini, lapho futhi silindele ukuba kuvele khona uMsilisi, iNkosi uJesu Kristu,

AbaseFiliphi 4:1

Ngakhoke, bazalwane, engibathandayo lengibalangathayo, lina ntokozo lomqhele wami, manini liqine ngokunjalo eNkosini, bathandekayo bami.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

AbaseKholose 1:4

lokhu sizwile ngokukholwa kwenu kuKristu Jesu langothando lwenu elibathanda ngalo bonke abangcwele.

1 AbaseThesalonika 3:6

Kodwa khathesi uTimothi usefikile kithi evela kini, usibikela indaba ezinhle zokukholwa lothando lwenu, lokuthi lihlala lisikhumbula kuhle, lifisa ukusibona njengoba lathi sifisa ukulibona.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

1 uTimothi 1:11

ngokwevangeli elilenkazimulo kaNkulunkulu obongekayo, engaphathiswa lona.

1 uTimothi 1:19

ulokukholwa lesazela esihle. Abanye ngokudelela isazela balahlekelwa yikukholwa kwabo,

2 uTimothi 4:7

Ngilwile ukulwa okuhle, ngiqedile ukuhamba kwami, ngikulondolozile ukukholwa.

UThithu 2:10

zingantshontshi, zithembeke ezintweni zonke, ukuze zicecise isifundiso sikaNkulunkulu kukho konke.

UFilimoni 1:5

lapho ngisizwa ngothando lwakho langokukholwa olakho eNkosini uJesu lakubo bonke abangcwele.

UJakhobe 3:18

Izithelo zokulunga zivela enhlanyelweni yokuthula, ehlanyelwa yilabo abathanda ukuthula.

2 UPhethro 3:11

Njengoba konke kuzakuncibilika ngokunjalo, kumele ukuba linanzelele ukuthi lingabantu abanjani ekuhambeni kwenu okungcwele lasekukhonzeni uNkulunkulu,

2 UPhethro 3:14

Ngakho, bathandekayo, lokhu lisalindele lezozinto, tshisekelani ukuba lifunyanwe nguye lingelacwatshana, lingelasici, lilokuthula.

UJuda 1:3

Bathandekayo, lapho ngisatshisakela ukulilobela ngokusiliswa esikuhlanganyelayo, ngabona ukuthi kuswelekile ukuba ngililobele, ngilikhuthaze, ukuba lilwele ukukholwa abakunikwayo abangcwele kwaba kanye.