AbaseFiliphi 1:20 - iBhayibhili Elingcwele 1978

²⁰ njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

IBhayibhili Elingcwele LesiNdebele

²⁰ Ngokutshiseka ngilindele njalo ngithemba ukuthi angiyikuyangeka langayiphi indlela, kodwa ngizakuba lesibindi esaneleyo ukuze kuthi khathesi njengenjwayelo uKhristu uzakudunyiswa emzimbeni wami, loba ngokuphila kumbe ngokufa.

AbaseFiliphi 1:20 ပူးပေါင်းရင်းမြစ်များ

AmaHubo 119:116

Ngisekela ngokwelizwi lakho ukuze ngiphile, ngingayangeki ngethemba lami.

AmaHubo 119:80

Inhliziyo yami kayiphelele ezimisweni zakho, ukuze ngingayangeki.

AmaHubo 25:2

Nkulunkulu wami, ngithemba kuwe; ungavumeli ukuba ngiyangeke; izitha zami kazingathokozi ngami.

AmaHubo 62:5

Umphefumulo wami uyamlindela uNkulunkulu ngokuthula; ithemba lami likuye.

Izaga 10:28

Ithemba labalungileyo lizakuba yikuthokoza, kodwa lokho abakufisayo ababi kuzakuphela.

Izaga 23:18

Yenza lokhu ukuba uphile eminyakeni ezayo, kungapheli masinyane ukuphila kwakho.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

U-Isaya 50:7

Ngoba iNkosi uNkulunkulu iyangisiza; ngakhoke kangiyangekanga; ngibuqinisile ubuso bami njengesengentshe, ngiyazi ukuba kangiyikuyangeka,

U-Isaya 54:4

Ungesabi, ngoba kawuyikuyangeka; ungabi lenhloni, ngoba kawuyikuyangiswa; ngoba uzakhohlwa ihlazo lobutsha bakho, ungabe usakhumbula ukuyangeka kobufelwakazi bakho.

UJohane 21:19

Watsho lokhu etshengisa ukufa ayezakudumisa uNkulunkulu ngakho. Esetshilo lokhu wathi: Ngilandela.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

Imisebenzi 4:31

Kwathi sebekhulekile, kwazanyazanyiswa indawo ababebuthene kuyo, bagcwaliswa ngoMoya oNgcwele bonke, bakhuluma ilizwi likaNkulunkulu ngesibindi.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AbaseRoma 8:19

Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu.

AbaseRoma 9:33

njengokulotshiweyo ukuthi: Khangela, ngibeka eZiyone ilitshe lokukhubekisa, ledwala lokuwisa; okholwa kuye kayikuyangeka.

1 AbaseKhorinte 15:31

Bazalwane, ngiyaqinisa ngokuziqhenya kwami ngani engilakho ngoKristu Jesu iNkosi yethu ukuthi ngiyafa insuku zonke.

1 AbaseKhorinte 6:20

kodwa lathengwa ngentengo. Ngakhoke dumisani uNkulunkulu emizimbeni yenu.

1 AbaseKhorinte 7:34

wehlukene phakathi. Intombi ikhathalela okweNkosi ukuze ibe ngcwele emzimbeni lasemoyeni; kodwa umfazi ukhathalela izinto zomhlaba ukuba angayithokozisa kanjani indoda yakhe.

2 AbaseKhorinte 10:8

Loba ngingaze ngizincome ngaphezudlwana ngamandla ethu eyasinika wona iNkosi ukuba lakhiwe lingachithwa ngawo, kangiyikuyangeka.

2 AbaseKhorinte 3:12

Ngakhoke, lokhu silethemba elinje, sikhuluma ngesibindi;

2 AbaseKhorinte 4:10

sithwele njalonjalo emzimbeni wethu ukufa kukaJesu, ukuze ukuphila kukaJesu kubonakaliswe emizimbeni yethu.

2 AbaseKhorinte 5:15

Wafela bonke, ukuze abaphilayo bangabe besaziphilela, kodwa baphilele yena owabafelayo, wabuye wavuka.

2 AbaseKhorinte 7:14

Ngoba uba ngake ngazincoma ngolutho kuye ngani, kangidaniswanga; kodwa njengoba konke esakukhuluma kini kwaba liqiniso, ngokunjalo ukuzincoma kwethu kuTitosi kwaba liqiniso.

2 AbaseKhorinte 7:4

Ngiyalithemba kakhulu, ngiyaziqhenya ngani; yinkulu induduzo yami; phakathi kwazo zonke inhlupheko zethu ngilentokozo enkulu.

AbaseFiliphi 1:14

langenxa yakho abazalwane abanengi baqinisiwe eNkosini, sebelesibindi sokukhuluma ilizwi likaNkulunkulu ngokungesabi.

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

1 UPhethro 4:16

kodwa uba umuntu ehlupheka ngokuba engumKristu kangabi lanhloni, kodwa kadumise uNkulunkulu ngenxa yalelobizo.

1 UJohane 2:28

Ngakhoke, bantwana, hlalani kuye ukuze kuthi lapho ebonakala, sibe lesibindi, singabi lanhloni simcatshele ekufikeni kwakhe.