AbaseFiliphi 1:17 - iBhayibhili Elingcwele 1978

¹⁷ kodwa labo abokuqala batshumayela uKristu ngombango kungesikho ngenhliziyo enhle, besithi bazakungivusela ukuhlupheka ekubotshweni kwami.

IBhayibhili Elingcwele LesiNdebele

¹⁷ Abakuqala batshumayela ngoKhristu ngokuzikhukhumeza, bengeqotho, becabanga ukuthi bangangidalela uhlupho ngisekubotshweni.

AbaseFiliphi 1:17 ပူးပေါင်းရင်းမြစ်များ

ULukha 21:14

Ngakho kubekeni engqondweni zenu ukuba linganakani ngaphambili ukuba lizakuziphendulela kanjani;

Imisebenzi 22:1

Bobaba, labazalwane, zwanini ukuziphendulela kwami engikwenza phambi kwenu.

Imisebenzi 26:1

UAgripha wasesithi kuPawuli: Uvunyelwe ukuziphendulela. UPawuli waseselula isandla sakhe, waziphendulela esithi:

Imisebenzi 26:24

Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa.

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

AbaseFiliphi 1:18

Kulani pho? Uba uKristu etshunyayelwa ngezindlela zonke, loba ngokuzenzisa ingabe ngeqiniso, ngalokhuke ngiyathokoza.

AbaseFiliphi 1:7

Impela kufanele ukuba ngikhumbule ngokunjalo ngani lonke, ngoba ngiyalithanda kakhulu, ngoba ekubotshweni kwami lasekuvikeleni kwami lasekuqiniseleni kwami ivangeli lina lonke lihlanganyela lami, emuseni kaNkulunkulu.

AbaseFiliphi 2:3

Lingenzi lutho ngokubangisana langokuziqhenya, kodwa ngokuthobeka litshaye sengathi abanye bangcono kulani.

1 uTimothi 2:7

Ngamiselwa khona mina ukuba ngibe ngumtshumayeli lomphostoli; ngikhuluma iqiniso, kangiqambi manga; yebo, ngibe ngumfundisi wabezizwe ekukholweni laseqinisweni.

2 uTimothi 2:9

ivangeli engihlupheka ngenxa yalo ngibotshwa njengesigebengu; kanti ilizwi likaNkulunkulu kalibotshwanga.

2 uTimothi 4:16

Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.