Abahluleli 8:4 - iBhayibhili Elingcwele 1978

⁴ UGidiyoni wafika eJordani wachapha, yena kanye labantu abangamakhulu amathathu ababelaye, sebediniwe belambile belokhu bexotshana lamaMidiyani.

IBhayibhili Elingcwele LesiNdebele

⁴ UGidiyoni labantu bakhe abangamakhulu amathathu sebediniwe kodwa belokhu bexotshana lawo, bafika eJodani bayichapha.

Abahluleli 8:4 ပူးပေါင်းရင်းမြစ်များ

2 AbaseKhorinte 4:16

Ngakhoke kasidinwa. Loba umuntu wethu wangaphandle ebhubha, umuntu wethu wangaphakathi wenziwa abe mutsha insuku zonke.

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

Abahluleli 7:25

Bathumba amakhosana amabili aseMidiyani, uOrebi loZeba; uOrebi bambulalela edwaleni laseOrebi, uZeba bambulalela esikhamelweni saseZeba, bexotshana lamaMidiyani. Baletha amakhanda aboOrebi loZeba kuGidiyoni ngaphetsheya kweJordani.

Abahluleli 8:3

UNkulunkulu unikele ezandleni zenu amakhosana aseMidiyani, uOrebi loZeba; mina ngenzeni lapho kulinganiswa lokwenziwe yini na? Kwasekudeda ukumthukuthelela kwabo esetsho lokho.

1 USamuyeli 30:10

Kodwa uDavida labantu abangamakhulu amane baqhubekela phambili; abangamakhulu amabili abasebekhathele kakhulu basala emuva, kabasiwelanga isifula iBesori.

1 USamuyeli 30:8

UDavida wasebuza eNkosini uNkulunkulu esithi: Ngixotshane lalo leloxuku na? Ngingalifica na? Yamphendula yathi: Xotshana lalo, ngoba uzalifica impela, ubakhulule bonke.