Abahluleli 7:22 - iBhayibhili Elingcwele 1978

²² Lapho abangamakhulu amathathu bekhalisa impondo zabo, ezihonqweni zonke iNkosi yenza bonke abantu balwe labaseduze labo; impi yabaleka yaze yafika eBeti‐Shita ngaseZerera, lasemqolweni waseAbeli‐Mehola phansi kweTabathi.

IBhayibhili Elingcwele LesiNdebele

²² Kwathi amacilongo angamakhulu amathathu esekhala, uThixo wenza ukuthi abantu ababesezindaweni zonke ezihonqweni bahlaselane ngezinkemba zabo. Ibutho labalekela eBhethi-Shitha ngokuya eZerera kusiyafika emngceleni we-Abheli-Mehola eduzane leThabathi.

Abahluleli 7:22 ပူးပေါင်းရင်းမြစ်များ

1 AmaKhosi 19:16

loJehu indodana kaNimshi umgcobe abe yinkosi yakoIsrayeli, loElisha indodana kaShafati waseAbeli‐Mehola umgcobe abe ngumprofethi esikhundleni sakho.

1 AmaKhosi 4:12

uBahana indodana kaAhiludi wayephethe iTanaki leMegido leBeti‐Sheyani lonke aze afike eAbeli‐Mehola maqondana leZarethani, kusukela eBeti‐Sheyani ngaphansi kweJezereli aze afike eJokimeyama;

2 ImiLando 20:23

AbaseAmoni labaseMowabi basukela abasentabeni yaseSeyiri, bababulala babaqeda du; sebebabulele babaqeda abaseSeyiri, baphendukelana babulalana.

AmaHubo 83:9

Yenza kubo njengokwenza kwakho kuMidiyani, lakuSisera, lakuJabini ngasemfuleni iKishoni,

U-Isaya 19:2

INkosi ithi: Ngizavusa abaseGibithe ukuba balwe labaseGibithe, lowo lalowo alwe lomfowabo, lalowo lalowo alwe lomakhelwana wakhe; umuzi uzakulwa lomuzi, umbuso ulwe lombuso.

U-Isaya 9:3

Nkosi, ubanikile ukujabula, wakhulisa ukuthokoza kwabo; bayathokoza phambi kwakho njengokuthokoza kwasesikhathini sokuvuna, bathokoza njengabantu lapho besahlukaniselana impango.

U-Isaya 9:4

Ngoba ijogwe labo elinzima abaletshata emahlombe, lentonga yomhluphi wabo, ukuqedile njengasosukwini lokuchitheka kukaMidiyani.

UHezekhiyeli 38:21

Ngizambizela konke okwesabekayo uGogi, kutsho iNkosi uNkulunkulu. Abantu bakhe bonke bazabulalana.

UHabhakhukhi 3:14

Ngemitshoko yakho ucibile umkhokheli wamabutho akhe, afika njengesivunguzane ukusichitha, ethokoza kungathi azakudla abahluphekayo ekusithekeni.

UHagayi 2:22

ngigenqule isihlalo sobukhosi semibuso, ngichithe amandla emibuso yezizwe, ngigenqule inqola zokulwa labakhweli bazo; amabhiza labagadi bawo azakuwa, lowo lalowo awe ngomkhonto womfowabo.

UZakhariya 14:13

Ngalolosuku iNkosi izakubehlisela ukwesaba okukhulu, kuthi lowo lalowo abambe isandla sikamakhelwane wakhe ukuba asizwe nguye, kodwa isandla sikamakhelwane siphakamele ukumtshaya.

2 AbaseKhorinte 4:7

Kodwa silayo linotho ezitsheni zebumba, ukuze ubukhulu bamandla amakhulu bube ngobukaNkulunkulu, bungabi ngobethu.

UJoshuwa 3:16

amanzi avela ngaphezu komfula ema, abuthana aba yinqwaba okwebanga elide kwaze kwafika eAdama umuzi oseduze leZarethani; lalawo agelezela olwandle lwaseAraba, uLwandle lweTshwayi, aqamuka wonke; abantu bachapha maqondana leJeriko.

UJoshuwa 6:16

Ngesikhathi sesikhombisa, nxa abapristi sebekhalisile impondo, uJoshuwa wathi ebantwini: Memezani, ngoba iNkosi ilinikile umuzi.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

UJoshuwa 6:4

Abapristi abayisikhombisa bazaphatha impondo zenqama eziyisikhombisa, bahambe phambi komtshokotsho wesivumelwano; kuthi ngosuku lwesikhombisa liwubhode umuzi kasikhombisa, abapristi bekhalisa impondo.

1 USamuyeli 18:19

Kodwa kwathi ngesikhathi uMerabi indodakazi kaSawuli ayefanele ukunikwa ngaso uDavida abe ngumkakhe wayesenikwe uAdriyeli waseMehola waba ngumkakhe.