Abahluleli 7:13 - iBhayibhili Elingcwele 1978

¹³ Kwathi uGidiyoni efika, wafica umuntu elandisela umngane wakhe iphupho esithi: Ngiphuphe ngibona isinkwa sebhali siphoseka ezihonqweni zamaMidiyani, safika ethenteni, salitshaya saligenqula, lawela phansi.

IBhayibhili Elingcwele LesiNdebele

¹³ UGidiyoni wafika omunye umuntu esatshela umngane wakhe iphupho lakhe. Wathi, “Ngiphuphe iphupho. Isinkwa sebhali esiyindilinga size sigiqikela ezihonqweni zamaMidiyani. Sitshaye ithente ngamandla amakhulu ithente lagenquka lawohlokela phansi.”

Abahluleli 7:13 ပူးပေါင်းရင်းမြစ်များ

1 AbaseKhorinte 1:27

kodwa uNkulunkulu ukhethile izinto zobuthutha zomhlaba ukuba ayangise abahlakaniphileyo; uNkulunkulu ukhethile okubuthakathaka komhlaba ukuba ayangise okulamandla;

Abahluleli 3:15

Kodwa kwathi lapho abakoIsrayeli bekhala eNkosini, iNkosi yabalethela umkhululi, uEhudi indodana kaGera, owakoBenjamini owayelinxele. AbakoIsrayeli bathumela umthelo wabo kuEgiloni inkosi yaseMowabi ngaye.

Abahluleli 3:31

Ngemva kukaEhudi kwaba khona uShamigari indodana kaAnathi, owabulala amaFilistiya angamakhulu ayisithupha ngocijo lwenkabi; laye wamkhulula uIsrayeli.

Abahluleli 4:21

Kodwa uJayeli umkaHeberi wathatha isikhonkwane sethente, waphatha isando esandleni, wamnyenyela, wabethela isikhonkwane esikhaleni sobuso saze sathutshela phansi, eselele ubuthongo ngenxa yokudinwa. Wafa ngokunjalo.

Abahluleli 4:9

Yena wathi: Impela ngizahamba lawe, kodwa ukwenza kwakho kakuyikukulethela udumo, ngoba iNkosi izanikela uSisera esandleni sowesifazana. Wasesuka uDebora, wahamba loBaraki eKedeshi.

Abahluleli 6:15

Yena wathi kuyo: E nkosi, ngingamkhulula kanjani uIsrayeli? Khangela, usendo lwakwethu luncinyane koManase, mina ngingomncinyane endlini yakwethu.

Abahluleli 7:12

AmaMidiyani lamaAmaleki labo bonke abantu basempumalanga babelele kuso sonke isigodi bebanengi njengentethe, lamakamela abo ayengelakubalwa engangetshebetshebe elisokhunjini lolwandle ubunengi.

Abahluleli 7:14

Umngane wakhe wathi: Lokhu kutsho kuphela umhedla kaGidiyoni indodana kaJowashi, owakoIsrayeli. UNkulunkulu unikele esandleni sakhe lonke iMidiyani lempi yalo.

Abahluleli 8:10

UZeba loZalimuna babeseKarikori lempi yabo engabantu abazinkulungwane elitshumi lanhlanu, kuyikuphela kwabo abaseleyo kuyo yonke impi yabantu basempumalanga, ngoba kwabulawa abantu abazinkulungwane ezilikhulu lamatshumi amabili ababehlomile.