Abahluleli 5:30 - iBhayibhili Elingcwele 1978

³⁰ Bayabutha impango, bayayeyehlukaniselana, intombazana, yebo amantombazana amabili kuleyo laleyondoda, amalembu aphenduliweyo ngakaSisera, impango yamalembu aphenduliweyo, ilembu, yebo amalembu amabili aphenduliweyo ngawokucecisa intamo yami.

IBhayibhili Elingcwele LesiNdebele

³⁰ ‘Kanti kabafumani mpango bayabelane na; intombazana loba amabili indoda nganye, izigqoko ezimibalabala eziyimpango kaSisera, izigqoko ezimibalabala ezicecisiweyo, izigqoko eziceciswe kakhulu zentamo yami, konke lokhu kuyimpango?’

Abahluleli 5:30 ပူးပေါင်းရင်းမြစ်များ

UGenesisi 37:3

UIsrayeli wayemthanda uJosefa kakhulu kulabo bonke abantwana bakhe, ngoba wayeyindodana yobudala bakhe; wamenzela isigqoko esilemikhono emide.

2 USamuyeli 13:18

UTamari wayegqoke isigqoko esilemikhono emide, ngoba amadodakazi enkosi ayizintombi ayegqoka enze njalo. Leyonceku yaeimkhuphela phandle, yakhiya umnyango.

UJobe 20:5

ukuthi ukuthokoza kwababi kufitshane, lokujabuta kwabangamesabiyo uNkulunkulu kungokwesikhatshana nje?

AmaHubo 45:14

yambethe izambatho ezilemibala eminengi iyasiwa enkosini, lezintombi ezingabangane bayo ziyayilandela.

AmaHubo 68:12

lithi: Amakhosi ezimpi ayabaleka, ayabaleka. Bona abesifazana abasekhaya bayabelana impango.

U-Eksodasi 15:9

Isitha sathi: Ngizaxotshana labo ngibafice, ngahlukanise impango. Inkanuko yami izakusutha bona, ngizahwatsha umhedla wami, isandla sami sizababhubhisa.

U-Eksodasi 27:16

Umnyango weguma uzakuba leveli, ubude balo bube zingalo ezingamatshumi amabili, lenziwe ngelembu elihle lentambo ephothiweyo eluhlaza leyibubende lebomvu, kube ngumsebenzi womthungi; lizakuba lensika ezine kanye lenyawo ezine.

Izaga 16:19

Kungcono ukuba umuntu athobeke ahlangane labayanga, kulokuba abe phakathi kwabaziqakisayo ukwabelana labo impango.

U-Isaya 9:2

Abantu ababehamba emnyameni bakubonile ukukhanya okukhulu; ababehlala elizweni elilomnyama omkhulu ukukhanya kubakhanyisele.

Abahluleli 5:19

Amakhosi afika alwa, alwa amakhosi aseKanani, eTanaki ngasemanzini aseMegido, kawazuzanga impango yesiliva.

Abahluleli 5:29

Amakhosazana akhe ahlakaniphileyo amphendula, kodwa yena waziphendula wathi: