Abahluleli 5:23 - iBhayibhili Elingcwele 1978

²³ Qalekisani iMerozi, kutsho isithunywa seNkosi, qalekisani kakhulu abakhileyo kulo, ngoba kabezanga ukusiza iNkosi, ukuyisiza iNkosi kanye lamaqhawe.

IBhayibhili Elingcwele LesiNdebele

²³ ‘Iqalekiseni iMerozi,’ kwatsho ingilosi kaThixo, ‘Baqalekiseni kabuhlungu abantu bayo, ngoba kabezanga ukuzencedisa uThixo, ukuzasiza uThixo emelane labalamandla.’

Abahluleli 5:23 ပူးပေါင်းရင်းမြစ်များ

UNehemiya 3:5

eceleni kwakhe kusakha abaseTekowa; kodwa izikhulu zabo zala ukusebenzela umphathi wabo.

AmaHubo 94:16

Ngubani ozakungimela kubo ababi na? Ngubani ozakungelekelela kubo abangalunganga na?

UJeremiya 48:10

Uthukiwe lowo owenza umsebenzi weNkosi ngokungananzeleli; uthukiwe lalowo ogodla umkhonto wakhe ekuchitheni igazi.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

AbaseRoma 15:18

Kangilasibindi sokukhuluma ngolutho, kuphela ngezinto uKristu azisebenza ngami ukuze kube khona ukulalela kwabezizwe ngelizwi langesenzo,

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

1 AbaseKhorinte 3:9

Thina siyizisebenzi kanye loNkulunkulu; lina liyinsimu kaNkulunkulu, liyisakhiwo sikaNkulunkulu.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

Abahluleli 13:3

Isithunywa seNkosi sabonakala kowesifazana sathi kuye: Khangela, uyinyumba, kawulabantwana, kodwa uzathatha isisu uzale indodana.

Abahluleli 2:1

Isithunywa seNkosi sasuka eGiligali saya eBokimi, sathi: Ngalikhupha eGibithe, ngaliletha elizweni engafunga ukulinika okhokho benu. Ngathi kangisoze ngisaphule isivumelwano sami lani;

Abahluleli 21:5

AbakoIsrayeli bathi: Yisiphi phakathi kwazo zonke izizwe zakoIsrayeli esingezanga emhlanganweni eNkosini na? Ngoba babefungile ngesifungo esikhulu ngalowo ongayikuza eNkosini eMizipa bathi: Uzakubulawa.

Abahluleli 21:8

Bathi: Yisiphi kuzo zonke izizwe zakoIsrayeli esingezanga eNkosini eMizipa na? Kwakungezanga loyedwa kwabaseJabeshi‐Gileyadi emhlanganweni.

Abahluleli 4:6

Wathumela ilizwi ukubiza uBaraki indodana kaAbinowama eKedeshi koNafitali, wathi kuye: INkosi, uNkulunkulu wakoIsrayeli, iyakulaya ithi: Hamba uyebuthanisa abantu entabeni yaseTabori, uthathe izinkulungwane ezilitshumi esizweni sakoNafitali lesakoZebuluni;

Abahluleli 5:13

Bafika abantu abaqotho ezinduneni zabo, abantu beNkosi bafika kuyo njengamaqhawe.

Abahluleli 6:11

Kwasekufika isithunywa seNkosi, sahlala ngaphansi kwesihlahla esikhulu eOfira, esasingesikaJowashi umAbiyezeri, indodana yakhe uGidiyoni yayibhula amabele esikhamelweni sewayini, iwafihlele amaMidiyani.

Abahluleli 8:5

Wasesithi kwabaseSukothi: Ake linike abantu bami ukudla, ngoba sebediniwe balambile, ngixotshana loZeba loZalimuna amakhosi aseMidiyani.

Abahluleli 8:6

Izinduna zaseSukothi zathi: Usubabambile yini uZeba loZalimuna ukuba siphe impi yakho ukudla na?

Abahluleli 8:8

Wasuka lapho, waya ePenuweli, wakhuluma ngendlela efananayo labasePenuweli; bamphendula njengabaseSukothi.

1 USamuyeli 17:47

Wonke lumhlangano uzakwazi ukuba uNkulunkulu kakhululi ngomhedla langomkhonto; ngoba ukulwa kungokweNkosi, izakukunikela esandleni sethu.

1 USamuyeli 18:17

USawuli wasesithi kuDavida: Nansi indodakazi yami endala uMerabi; ngizakukunika yona ibe ngumkakho; wena uzangilwela ngobuqhawe ezimpini zeNkosi uNkulunkulu. Ngoba uSawuli wafisa ukuba uDavida abulawe ngamaFilistiya, angabulawa nguye.

1 USamuyeli 25:28

Akuthethelele icala lencekukazi yakho; ngoba iNkosi uNkulunkulu izamisa inzalo yakho kokuphela, lokhu ulwa izimpi zeNkosi. Kawuyikwehlelwa yibubi zonke insuku zokuphila kwakho.

1 USamuyeli 26:19

Ngakhoke, nkosi yami, ake uzwe amazwi, ami. Uba kuyiNkosi uNkulunkulu ekuqubula ngami, kayamukele umnikelo; kodwa uba kungabantu, kabaqalekiswe ngebizo leNkosi uNkulunkulu; ngoba bangixotshile lamuhla ukuba ngingabi lasabelo elizweni leNkosi uNkulunkulu, bathi: Hamba, uyekhonza abanye onkulunkulu.