Abahluleli 5:18 - iBhayibhili Elingcwele 1978

¹⁸ AbakoZebuluni bazidela kwaze kwaba sekufeni, loNafitali laye emagcekeni okulwa.

IBhayibhili Elingcwele LesiNdebele

¹⁸ Abantu bakoZebhuluni bafaka impilo yabo uqobo engozini; wenza njalo loNafithali emiqolweni yeganga.

Abahluleli 5:18 ပူးပေါင်းရင်းမြစ်များ

UGenesisi 35:23

amadodana kaLeya ayengoRubeni, izibulo likaJakobe, loSimeyoni loLevi loJuda loIsakari loZebuluni;

UGenesisi 35:25

amadodana kaBiliha, incekukazi kaRaheli, ayengoDani loNafitali;

U-Esta 4:16

wathi: Hamba uyebuthanisa bonke abaJuda abaseSusa, lizile ukudla ngenxa yami, lingadli linganathi okwensuku ezintathu ubusuku lemini. Lami lezincekukazi zami sizazila ukudla njengani. Ngemva kwalokho ngizakuya enkosini loba lokhu kuphambene lomthetho; uba ngibhubha, ngizabe ngibhubhile njalo.

AmaHubo 68:27

Nango uBenjamini ongomncinyane wabo ebahola, lezikhulu zikaJuda zibuthene, lezikhulu zikaZebuluni, lezikhulu zikaNafitali.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

1 UJohane 3:16

Uthando silwazi ngalokhu ukuthi uKristu wadela ukuphila kwakhe ngenxa yethu; lathi sifanele ukudela ukuphila kwethu ngenxa yabazalwane.

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

Abahluleli 4:10

UBaraki wabiza abakoZebuluni labakoNafitali ukuba beze eKedeshi; abantu abazinkulungwane ezilitshumi bamlandela, loDebora wahamba laye.

Abahluleli 4:14

UDebora wathi kuBaraki: Vuka! ngoba yilo lolusuku iNkosi enikele ngalo kuwe uSisera. Yebo, isihambile phambi kwakho. Ngakho uBaraki wasesehla entabeni iTabori elandelwa ngabantu abazinkulungwane eziIitshumi.

Abahluleli 4:6

Wathumela ilizwi ukubiza uBaraki indodana kaAbinowama eKedeshi koNafitali, wathi kuye: INkosi, uNkulunkulu wakoIsrayeli, iyakulaya ithi: Hamba uyebuthanisa abantu entabeni yaseTabori, uthathe izinkulungwane ezilitshumi esizweni sakoNafitali lesakoZebuluni;

Abahluleli 6:35

Ngakho wathuma izithunywa kulo lonke elakoManase, labo babizwa ukumlandela. Wasezithuma koAsheri lakoZebuluni lakoNafitali, beza ukuhlangabeza abanye.