Abahluleli 5:11 - iBhayibhili Elingcwele 1978

¹¹ Lalelani, abantu abahlabelayo ezindaweni zokukha amanzi bayalandisa ngokunqoba kweNkosi, ukunqoba kwabakhokheli bakoIsrayeli. Abantu beNkosi behlela emasangweni.

IBhayibhili Elingcwele LesiNdebele

¹¹ ilizwi labahlabeleli ezindaweni zamanzi okunathisa. Bahuba ngokulunga kukaThixo, ukunqoba kwezakhamizi zako-Israyeli. Lapho-ke abantu bakaThixo behlela emasangweni edolobho.

Abahluleli 5:11 ပူးပေါင်းရင်းမြစ်များ

UGenesisi 24:11

Yaguqisa amakamela ngaphandle komuzi ngasemthonjeni wamanzi ntambama, ngesikhathi abaphuma ngaso abesifazana ukukha amanzi.

UGenesisi 29:2

Wakhangela, wabona umthombo emmangweni lemihlambi emithathu yezimvu ilele khona, ngoba imihlambi yayinathiswa kulowomthombo; kwakukhona emlonyeni womthombo ilitshe elikhulu.

UGenesisi 29:3

Yonke imihlambi yabuthelwa khona, sebelisusile ilitshe emlonyeni womthombo banathisa izimvu, basebebuyisela ilitshe emlonyeni womthombo endaweni yalo.

UJobe 29:7

Nxa ngiphumela enkundleni yomuzi, ngilungisa isihlalo sami emdangeni,

AmaHubo 145:7

Bazakwandisa udumo lokulunga kwakho okukhulu, bahlabele kakhulu ngokulunga kwakho.

AmaHubo 71:15

Umlomo wami uzakutshumayela ukulunga kwakho, lezenzo zakho zokukhulula usuku lonke, lanxa ubunengi bazo buyedlula ukwazi kwami.

U-Isaya 12:3

Ngokuthokoza uzakukha amanzi emithonjeni yokukhululwa.

U-Isaya 28:6

inike umoya wokulunga kulabo abahlulelayo, lamandla kulabo abavikela umuzi.

UJeremiya 7:2

Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.

Izililo 5:4

Sihlawulela amanzi esiwanathayo, lenkuni siyazithenga.

Izililo 5:9

Sizuza ukudla kwethu ngokudela ukusila kwethu, ngenxa yengozi zasenkangala.

UMikha 6:5

Bantu bami, ake likhumbule amacebo kaBalaki inkosi yaseMowabi, lokuthi uBalami indodana kaBeyori wamphendula kanjani, likhumbule lalokho okwenzakalayo kusukela eShitimi kwaze kwaba seGiligali. ukuze lazi izenzo ezilungileyo zeNkosi.

UDutheronomi 22:24

lizakubakhuphela ngasesangweni lalowomuzi bobabili, libakhande ngamatshe libabulale; likhande ngamatshe intombi ngoba ingahlabanga umkhosi lanxa ibiphakathi komuzi, lendoda ngoba imonile umkamakhelwana wakhe. Ngalokhu lizaqeda ububi phakathi kwenu.

UDutheronomi 33:21

Wazikhethela isabelo esihle kakhulu, ngoba khona kwalondolozwa isabelo sombusi; weza ezinduneni zabantu, wenza loIsrayeli intando yeNkosi lezahlulelo zayo.

Abahluleli 11:40

ukuba amadodakazi akoIsrayeli ahambe yonke iminyaka ukukhalela indodakazi kaJefta owaseGileyadi insuku ezine ngomnyaka.

Abahluleli 5:8

Ekukhetheni kwabo onkulunkulu abatsha kwaba khona ukulwa elizweni. Kwakungasabonwa isihlangu lomkhonto ebantwini abazinkulungwane ezingamatshumi amane koIsrayeli.

1 USamuyeli 12:7

Sukumanike, khona lapha phambi kwayo ngizaphendulana lani, ngilandise ngezenzo zonke ezinkulu zeNkosi eyazenza kini lakubokhokho benu.