Abahluleli 3:16 - iBhayibhili Elingcwele 1978

¹⁶ UEhudi wazenzela umhedla obukhali inxa zombili, ubude bawo buyingalonye, wawuhloma ngaphansi kwezigqoko zakhe ngasethangazini langasokunene.

IBhayibhili Elingcwele LesiNdebele

¹⁶ U-Ehudi wayenze inkemba esika inxa zombili eyayingaba yingalo lengxenye ubude bayo, ayibophela ethangazini lakhe lwesokudla ngaphansi kwezigqoko zakhe.

Abahluleli 3:16 ပူးပေါင်းရင်းမြစ်များ

2 USamuyeli 20:8

Lapho sebeselitsheni elikhulu eliseGibeyoni, uAmasa wafika ukubahlangabeza. UJowabi wayegqoke isigqoko sempi, phezu kwaso kukhona ibhanti elilomhedla usesikhwameni sawo, libotshelwe okhalweni lwakhe, umhedla wawa esahamba.

AmaHubo 149:6

Izibongo zikaNkulunkulu kazibe semilonyeni yabo, lemikhonto ecijileyo ibe sezandleni zabo,

AmaHubo 45:3

Hloma ngomkhonto wakho wena qhawe, ulobukhosi lobukhulu.

Ingoma 3:8

wonke ehlomile ngemikhonto ezingwazi zempi, elungele ukuhlatshwa komkhosi ebusuku.

AmaHebheru 4:12

Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.

Isambulo 1:16

Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

Isambulo 2:12

Lakuso isithunywa sebandla elisePergamo loba uthi: Nanku akutshoyo lowo olomhedla obukhali inxa zombili,

Abahluleli 3:15

Kodwa kwathi lapho abakoIsrayeli bekhala eNkosini, iNkosi yabalethela umkhululi, uEhudi indodana kaGera, owakoBenjamini owayelinxele. AbakoIsrayeli bathumela umthelo wabo kuEgiloni inkosi yaseMowabi ngaye.

Abahluleli 3:17

Wamnika uEgiloni inkosi yaseMowabi lowomthelo. UEgiloni wayengumuntu oqatha.

Abahluleli 3:21

uEhudi waseselula isandla sakhe sekhohlo, wahwatshwa umhedla ngasethangazini lakhe langasokunene, wamhlaba ngawo esiswini,