Abahluleli 3:11 - iBhayibhili Elingcwele 1978

¹¹ Kwaba khona ukuthula elizweni iminyaka engamatshumi amane. UOthiniyeli indodana kaKenazi wasesifa.

IBhayibhili Elingcwele LesiNdebele

¹¹ Ngakho ilizwe laba lokuthula iminyaka engamatshumi amane, u-Othiniyeli indodana kaKhenazi waze wafa.

Abahluleli 3:11 ပူးပေါင်းရင်းမြစ်များ

1 ImiLando 4:13

Amadodana kaKenazi ayengoOthiniyeli loSeraya. Amadodana kaOthiniyeli ayengoHathathi loMeyonothayi.

UNehemiya 9:28

Lapho sebelokuthula benza okubi futhi phambi kwakho, wabanikela ezitheni zabo ezabanqobayo; kanti nxa sebebuyile bakhala kuwe, wena wabezwa usezulwini; izikhathi ezinengi wabakhulula ngomusa wakho.

U-Esta 9:22

ngoba ngalezonsuku abaJuda bazuza ukukhululwa ezitheni zabo, langaleyonyanga usizi lwabo lwaphendulwa lwaba yikuthokoza, lezikhathi zokulila zaba yizikhathi zokuphumula; bazigcine zibe zinsuku zedili lokuthokoza, lensuku zokuphana izipho zokudla, lezokupha abayanga.

UJoshuwa 11:23

UJoshuwa walithumba ilizwe lonke njengakho konke iNkosi eyakukhuluma kuMose. UJoshuwa wabanika abakoIsrayeli ilizwe ngezizwe zabo, laba ngelabo. Ilizwe laseliphumulake ekulweni.

UJoshuwa 15:17

UOthiniyeli indodana kaKenazi, umnawakhe kaKalebi, walithumba; uKalebi wasemendisela uAkisa indodakazi yakhe.

Abahluleli 3:10

Umoya weNkosi wehlela kuye, waba ngumahluleli koIsrayeli, waphuma impi, iNkosi yanikela esandleni sakhe uKushani‐Rishathayimi inkosi yaseAramu, wamnqoba.

Abahluleli 3:12

AbakoIsrayeli babuya benza okubi phambi kweNkosi. INkosi yasimnika amandla uEgiloni inkosi yaseMowabi ukulwa loIsrayeli, ngoba babenzile okubi phambi kwayo.

Abahluleli 3:30

AmaMowabi anqotshwa mhlalokho ngabakoIsrayeli. Kwaba khona ukuthula elizweni iminyaka engamatshumi eficaminwembili.

Abahluleli 3:9

Kodwa kwathi lapho abakoIsrayeli bekhala eNkosini, iNkosi yabalethela umkhululi owabakhululayo, uOthiniyeli indodana kaKenazi umnawakhe kaKalebi.

Abahluleli 5:31

Zizabhubha ngokunjalo zonke izitha zakho, Nkosi. Kodwa bonke abakuthandayo kababe njengelanga lapho liphuma ngamandla alo. Kwaba khona ukuthula elizweni iminyaka engamatshumi amane.

Abahluleli 8:28

AmaMidiyani anqotshwa ngabakoIsrayeli, kawaphindanga avuka futhi. Kwaba lokuthula elizweni ensukwini zikaGidiyoni iminyaka engamatshumi amane.