Abahluleli 2:18 - iBhayibhili Elingcwele 1978

¹⁸ Lapho iNkosi ibamisela umahluleli yayisiba laye, ibophule ezandleni zezitha zabo zonke insuku zomahluleli; ngoba iNkosi yayisiba lesihawu ngokububula kwabo ngenxa yalabo ababahluphayo lababacindezelayo.

IBhayibhili Elingcwele LesiNdebele

¹⁸ Ngasosonke isikhathi lapho uThixo ebabekela khona umahluleli, wayemthungamela umahluleli abahlenge ezandleni zezitha zabo lapho esaphila; ngoba uThixo waba lesihawu kubo lapho bebubula ngaphansi kwalabo ababebancindezele lababebahlukuluza.

Abahluleli 2:18 ပူးပေါင်းရင်းမြစ်များ

UGenesisi 6:6

INkosi yazisola ngokuthi ibenzile abantu emhlabeni, yadabuka inhliziyo yayo.

2 AmaKhosi 13:4

Ujehowahazi wakhuleka eNkosini, iNkosi yamuzwa, ngoba yabona ukuba inkosi yaseSiriya ibacindezela abakoIsrayeli kanjani.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 90:13

Buya, Nkosi! Koze kube nini uthukuthela na? Hawukela inceku zakho.

U-Eksodasi 2:24

Esezwile ukububula kwabo, uNkulunkulu wakhumbula isivumelwano sakhe loAbrahama loIsaka loJakobe.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

U-Eksodasi 32:14

Ngakho iNkosi yasiphenduka ebubini eyayisithi izakubenza ebantwini bayo.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UJona 3:10

Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.

AmaNani 10:9

Kuzakuthi lapho liphuma impi elizweni lakini ukuyakulwa lezitha ezilicindezelayo, lihlabe umkhosi ngezimpondo, ukuba iNkosi uNkulunkulu wenu ilikhumbule, likhululwe ezitheni zenu.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

Abahluleli 11:32

Ngakho uJefta wasecaphela kumaAmoni ukulwa lawo; iNkosi yawanikela esandleni sakhe.

Abahluleli 2:19

Kodwa kuthi lapho umahluleli esefile, babuyele emuva benze okubi ukwedlula okhokho babo, balandele abanye onkulunkulu, babakhonze bakhothame kibo; kabayekelanga lokukodwa kwezenzo zabo lokwendlela zabo zenkani.

Abahluleli 3:9

Kodwa kwathi lapho abakoIsrayeli bekhala eNkosini, iNkosi yabalethela umkhululi owabakhululayo, uOthiniyeli indodana kaKenazi umnawakhe kaKalebi.

Abahluleli 6:12

Isithunywa seNkosi sabonakala kuye, sathi kuye: INkosi ilawe, wena qhawe elilamandla.

Abahluleli 6:16

INkosi yathi kuye: Mina ngizakuba lawe, uzawabulala amaMidiyani kungathi angumuntu munye.