Abahluleli 2:14 - iBhayibhili Elingcwele 1978

¹⁴ Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

IBhayibhili Elingcwele LesiNdebele

¹⁴ Ekubathukutheleleni kwakhe uThixo wabanikela ezandleni zababahlaselayo lababaphangayo. Wabanikela ezitheni zabo ezazibahanqile, ababengasenelisi ukumelana lazo.

Abahluleli 2:14 ပူးပေါင်းရင်းမြစ်များ

2 USamuyeli 24:1

Lwabuya lwamvuthela uIsrayeli ulaka lweNkosi, wabavusela uDavida ngokuthi: Hamba uyebala uIsrayeli loJuda.

2 USamuyeli 7:11

kusukela esikhathini engamisa ngaso abahluleli ebantwini bami uIsrayeli; ngikuphumuze ezitheni zakho zonke. Futhi iNkosi iyakutshela ukuthi izakwandisa usendo lwakho.

2 AmaKhosi 13:3

INkosi yamthukuthelela uIsrayeli, yamnikela futhifuthi esandleni sikaHazayeli inkosi yaseSiriya lesandleni sikaBenihadadi indodana kaHazayeli.

2 AmaKhosi 17:20

INkosi yakhalala yonke inzalo yakoIsrayeli, yayihlupha, yayinikela kubaphangi, yayisusa phambi kwayo.

2 ImiLando 15:5

Ngalezozikhathi kwakungelakuthula ekuhambeni kwabantu, ngoba bonke abantu bamazwe behlelwa zinhlupheko ezinengi.

2 ImiLando 28:5

Ngakho iNkosi uNkulunkulu wakhe yamnikela esandleni senkosi yaseSiriya eyamnqobayo, yathumba abantu bakhe abanengi kakhulu, yabasa eDamaseko. Futhi wanikelwa esandleni senkosi yakoIsrayeli eyamnqobayo, yabulala abantu abanengi kakhulu.

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

UNehemiya 9:27

Ngakho wabanikela ezitheni zabo ezabahluphayo; ngesikhathi sokuhlupheka kwabo sebekhala kuwe, wabezwa usezulwini. Ngomusa wakho omkhulu wabanika abakhululi ababakhulula ezitheni zabo.

AmaHubo 44:11

Usenza sibe njengezimvu zokuhlatshwa, wasichithachitha phakathi kwezizwe.

AmaHubo 44:12

Ngoba uthengisile abantu bakho ngokuncinyane nje, ungabizi intengo enkulu ngabo.

U-Isaya 42:24

Ngubani owanikela uJakobe kumphangi na? loIsrayeli kwabaphangayo na? Kwakungesiyo iNkosi esone kuyo yini, esingavumanga ukuhamba endleleni zayo, lesingalalelanga umlayo wayo na?

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

ULevi 26:37

Bazakugwenxana kungathi babalekela impi, bengaxotshwa muntu. Kaliyikuba lamandla okumelana lezitha zenu.

AmaNani 32:13

Intukuthelo yeNkosi yabavuthela abakoIsrayeli, yabazulisa enkangala iminyaka engamatshumi amane, kwaze kwaphela lesosizukulwana sonke esasenzile okubi emehlweni eNkosi.

AmaNani 32:14

Khangelani, selilingisa oyihlo, ngoba liyinzalo yabantu abonayo, liyavusa futhi intukuthelo yeNkosi evuthela uIsrayeli.

UDutheronomi 28:20

INkosi izakuthuma phezu kwenu iziqalekiso lenhlupheko lenkathazo kukho konke elizakukwenza, lize libhubhe liphele masinyane, ngenxa yezenzo zenu ezimbi ngoba lingidelile.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 28:58

Uba lingagcini kuhle wonke amazwi alumlayo alotshiweyo ogwalweni lolu, ukuba lesabe lelibizo elilodumo lelesabekayo lokuthi: INkosi uNkulunkulu wenu;

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

UJoshuwa 23:16

Uba lisaphula isivumelwano seNkosi uNkulunkulu wenu eyalilaya sona, lisuke liyekhonza abanye onkulunkulu, likhothame kibo, ulaka lweNkosi luzakuvutha kini, libhubhe masinyane liphele kulelilizwe elihle elinike lona.

Abahluleli 1:19

INkosi yayilaye uJuda, wathumba ilizwe lasezintabeni, kodwa wehluleka ukubaxotsha abakhileyo esigodini, ngoba babelezinqola zokulwa zensimbi.

Abahluleli 1:34

AmaAmori abafuqela ezintabeni abakoDani, ngoba kawabavumelanga ukwehlela emagcekeni,

Abahluleli 10:7

INkosi yamthukuthelela uIsrayeli, yamnikela ezandleni zamaFilistiya lamaAmoni

Abahluleli 2:20

Ngalokhoke ulaka lweNkosi lwavutha kuIsrayeli, yathi: Ngoba lababantu basaphule isivumelwano sami engasilaya okhokho babo, kabalilalelanga ilizwi lami,

Abahluleli 3:12

AbakoIsrayeli babuya benza okubi phambi kweNkosi. INkosi yasimnika amandla uEgiloni inkosi yaseMowabi ukulwa loIsrayeli, ngoba babenzile okubi phambi kwayo.

Abahluleli 4:2

INkosi yabanikela esandleni sikaJabini inkosi yaseKanani owayebusa eHazori. Induna yempi yakhe yayinguSisera, owayehlala eHaroshethi elabezizwe.