Abahluleli 2:11 - iBhayibhili Elingcwele 1978

¹¹ AbakoIsrayeli benza okubi phambi kweNkosi, bakhonza oBali,

IBhayibhili Elingcwele LesiNdebele

¹¹ Lapho-ke abako-Israyeli benza okubi emehlweni kaThixo, bakhonza uBhali.

Abahluleli 2:11 ပူးပေါင်းရင်းမြစ်များ

UGenesisi 13:13

Abantu baseSodoma babebabi, besona kakhulu phambi kweNkosi.

UGenesisi 38:7

UEri izibulo likaJuda wayemubi phambi kweNkosi; iNkosi yambulala.

1 AmaKhosi 11:5

Ngoba uSolomoni walandela uAshitorethi unkulunkulukazi waseSidoni, loMilkomu unkulunkulu onengekayo wamaAmoni.

1 AmaKhosi 18:18

Yena waphendula wathi: Kangimhluphanga uIsrayeli mina. Kodwa wena kanye lendlu kayihlo limhluphile, ngoba litshiyile imilayo yeNkosi, lalandela uBali.

1 AmaKhosi 22:53

Wakhonza uBali, wakhuleka kuye, wayithukuthelisa iNkosi, uNkulunkulu kaIsrayeli njengokwenza konke kukayise.

2 ImiLando 28:2

Kodwa walandela indlela zamakhosi akoIsrayeli, wenza lezithombe zaboBali ezibunjiweyo,

2 ImiLando 28:3

watshisa impepha esihotsheni saseBeni‐Hinomu, watshisa lamadodana akhe aba ngumnikelo, elingisa amanyala enziwa yizizwe iNkosi eyazixotsha phambi kwabakoIsrayeli.

2 ImiLando 33:6

Watshisa abantwana bakhe baba ngumnikelo esihotsheni saseBeni‐Hinomu, wavumisa, wenza imilingo lamalumbo, wasebenza labalamadlozi labathakathi. Wenza okubi kakhulu phambi kweNkosi, wayithukuthelisa.

U-Ezra 8:12

Kumadodana kaAzigadi uJohanani, indodana kaHakatani, owayelabantu abalikhulu letshumi.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

AmaHubo 78:56

Kanti bamlinga, bamvukela oPhezukonke, kabazigcinanga izimiso zakhe,

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 2:23

Ungatsho kanjani ukuthi: Kangingcolanga, kangilandelanga oBali na? Khangela ukuziphatha kwakho esigodini, wazi ukuba wenzeni. Unjengekamela elisikazi elizulazulayo emizileni yalo,

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

AmaNani 25:3

Ngalokhu abakoIsrayeli bahlanganyela ukukhonza uBali wasePeyori; iNkosi yabathukuthelela.

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

UDutheronomi 4:25

Lapho lizuza abantwana labazukulu, lalapho selihlale elizweni isikhathi eside, uba lisona, lenze isithombe esibaziweyo solutho oluthile, lenze okubi emehlweni eNkosi uNkulunkulu wenu ukuze limthukuthelise,

Abahluleli 10:10

AbakoIsrayeli bakhala eNkosini bathi: Sonile kuwe, ngoba sikutshiyile, Nkulunkulu wethu, sakhonza oBali.

Abahluleli 10:6

AbakoIsrayeli babuya benza okubi phambi kweNkosi, bakhonza oBali laboAshera, onkulunkulu baseSiriya laseSidoni laseMowabi labamaAmoni labamaFilistiya; bayitshiya iNkosi, kabaze bayikhonza.

Abahluleli 13:1

AbakoIsrayeli babuya benza okubi phambi kweNkosi. INkosi yabanikela ezandleni zamaFilistiya iminyaka engamatshumi amane.

Abahluleli 3:12

AbakoIsrayeli babuya benza okubi phambi kweNkosi. INkosi yasimnika amandla uEgiloni inkosi yaseMowabi ukulwa loIsrayeli, ngoba babenzile okubi phambi kwayo.

Abahluleli 3:7

AbakoIsrayeli benza okubi phambi kweNkosi, bayikhohlwa iNkosi uNkulunkulu wabo, bakhonza oBali laboAshera.

Abahluleli 4:1

AbakoIsrayeli babuya benza okubi phambi kweNkosi esefile uEhudi.

Abahluleli 6:1

AbakoIsrayeli benza okubi phambi kweNkosi; iNkosi yabanikela ezandleni zamaMidiyani iminyaka eyisikhombisa.

Abahluleli 6:25

Ngalobobusuku iNkosi yathi kuye: Thatha inkunzi kayihlo esijoqile, udilize ialtare likaBali elingelikayihlo, ugamulele phansi insika kankulunkulukazi uAshera ephansi kwalo;

Abahluleli 8:33

Kwathi lapho uGidiyoni esefile, abakoIsrayeli babuya benza okubi ngokukhonza oBali, benza uBali‐Berithi waba ngunkulunkulu wabo.

1 USamuyeli 12:10

Bakhala eNkosini bathi: Sonile ngoba siyilahlile iNkosi, sakhonza izithombe zikaBali lezikaAshitorethi. Kodwa khathesi sophule ezitheni zethu, sizakukukhonza.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.

1 USamuyeli 7:4

Ngakhoke abakoIsrayeli basebekhupha izithombe zikaBali lezikaAshitorethi, bakhonza iNkosi yodwa.