Abahluleli 2:10 - iBhayibhili Elingcwele 1978

¹⁰ Laso sonke lesosizukulwana safa, sambelwa kwabakibo; kwavela esinye emva kwaso esasingayazi iNkosi lomsebenzi eyayiwenzele uIsrayeli.

IBhayibhili Elingcwele LesiNdebele

¹⁰ Kwathi emva kokuba sonke isizukulwane leso sesiphelile, kwavela esinye isizukulwane esasingamazi uThixo kanye lalokho ayekwenzele abako-Israyeli.

Abahluleli 2:10 ပူးပေါင်းရင်းမြစ်များ

UGenesisi 15:15

Kodwa wena uzakuya kwabaphansi ngocuthula, umbelwe usuluphele kakhulu.

UGenesisi 25:17

Iminyaka yokuhamba kukaIshmayeli yaba likhulu lamatshumi amathathu lesikhombisa; wasesifa, wambelwa kwabakibo.

UGenesisi 25:8

UAbrahama waguga, wafa eseluphele kakhulu esehambe iminyaka eminengi, wambelwa kwabakibo.

UGenesisi 49:33

Kwathi uJakobe eseqedile ukulaya amadodana akhe, waziqoqela inyawo zakhe embhedeni, wafa, waya kwabaphansi.

2 USamuyeli 7:12

Kuzakuthi lapho insuku zakho seziphelile, usuyile kwabaphansi, ngimise omunye wabantwana bakho ukuba abe yinkosi emva kwakho, ngiqinise umbuso wakhe.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

UJobe 21:14

Bathi kuNkulunkulu: Suka kithi; kasifuni ukwazi indlela zakho.

U-Eksodasi 1:6

UJosefa wafa labo bonke abafowabo, laso sonke lesosizukulwana.

U-Eksodasi 1:8

Kwasekuvela inkosi entsha eGibithe eyayingamazi uJosefa.

U-Eksodasi 5:2

Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

U-Isaya 5:12

Batshaye umhubhe lechacho, isigubhu lomhlanga, banathe iwayini emadilini abo, kodwa bengananzi izenzo zeNkosi, bengaboni lemisebenzi yezandla zayo.

UJeremiya 22:16

Wayethonisa izindaba zabayanga labaswelayo; kwamlungela. Angithi yikho lokhu ukungazi mina na? kutsho iNkosi.

UJeremiya 31:34

Kabasayikufundisana kube yilowo lalowo lomakhelwana wakhe, lalowo lalowo lomfowabo esithi: Yazi iNkosi! Ngoba bazangazi bonke, kusukela komncinyane wabo kuze kufike komkhulu, kutsho iNkosi. Ngizathethelela ububi babo, lesono sabo kangisayikusikhumbula.

UJeremiya 9:2

Kungathi ngabe ngilendawo yokuhlala enkangala, ukuba ngisuke ebantwini bami, ngibatshiye; ngoba bonke bayizifebe, balixuku labantu abakhohlisayo.

UJeremiya 9:3

Balungele ukuqamba amanga; amanga akhulile kuleqiniso elizweni; basuka kokubi baye kokubi, minake kabangazi, kutsho iNkosi.

UJeremiya 9:5

Yilowo lalowo ukhohlisa umakhelwana wakhe, kakho okhuluma iqiniso, bazifundisile inlimi zabo ukuqamba amanga, bazidinisa ngokwenza okubi, baze behluleke ukuphenduka.

AmaNani 27:13

Kuzakuthi lapho usulibonile, uzalandela abakini, njengomfowenu uAroni;

ULukha 20:32

Ekucineni wafa lomfazi.

Imisebenzi 13:36

Ngoba uDavida eselenzile icebo likaNkulunkulu esizukulwaneni sakhe, wafa, waya kwabaphansi, wabona ukubola.

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

UThithu 1:16

Bathi bayamazi uNkulunkulu, kodwa bemphika ngezenzo zabo; bangabenyanyekayo, labangalaleliyo, lasemisebenzini yonke emihle kabasizi lutho.

UJoshuwa 24:31

UIsrayeli wayikhonza iNkosi zonke insuku zikaJoshuwa lazo zonke insuku zabadala abasalayo, ababewazi wonke umsebenzi iNkosi eyawenzela uIsrayeli.

1 USamuyeli 2:12

Amadodana kaEli ayengabantu ababi; ayengayazi iNkosi.