Abahluleli 17:3 - iBhayibhili Elingcwele 1978

³ Wasezibuyisela kunina inhlamvu eziyinkulungwane lekhulu zesiliva. Unina wathi: Sengisahlukanisela iNkosi lesisiliva sami sibe ngesendodana yami, ukuba ngenze isithombe.

IBhayibhili Elingcwele LesiNdebele

³ Esewabuyisele kunina amashekeli esiliva angamakhulu alitshumi lanye, unina wathi, “Isiliva sami ngisahlukanisela uThixo ngokuqinisekileyo ukuba indodana yami yenze isithombe esibaziweyo, sahuqwa ngesiliva. Ngizasibisela kuwe.”

Abahluleli 17:3 ပူးပေါင်းရင်းမြစ်များ

2 ImiLando 33:7

Isithombe ayesenzile wasimisa endlini kaNkulunkulu, indlu uNkulunkulu akhuluma ngayo kuDavida lakuSolomoni indodana yakhe wathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

U-Eksodasi 20:23

Lingenzi onkulunkulu besiliva ukuba babe khona kanye lami, lingazenzeli onkulunkulu begolide.

U-Eksodasi 20:4

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;

U-Eksodasi 34:17

Ungazenzeli onkulunkulu ababunjiweyo.

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

U-Isaya 66:3

Ohlaba inkabi unjengobulala umuntu; onikela umhlatshelo ngewundlu unjengowephula intamo yenja; onikela umnikelo wempuphu unjengonikela umnikelo ngegazi lengulube; otshisa impepha kube ngumnikelo wesikhumbuzo unjengodumisa isithombe. Konke lokhu kuyizenzo abantu abazikhethela zona, labo abazithokozisa ngezinengiso zabo.

UJeremiya 10:8

Bonke bayizithutha leziphukuphuku; izithombe zesigodo zingabafundisa ulutho na?

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

UJohane 16:2

Bazakulikhupha emasinagogeni, yebo, isikhathi siyeza lapho olibulalayo ezakuthi ukhonza uNkulunkulu.

UDutheronomi 12:3

lizadiliza ama‐altare azo, libulale insika zazo zokukhonzela, litshise insika zazo ezimiselwe unkulunkulukazi uAshera ngomlilo, libulale izithombe ezibaziweyo zabonkulunkulu bazo, licime ibizo lazo kuleyondawo.

UDutheronomi 27:15

Kaqalekiswe umuntu owenza isithombe esibaziweyo lesibunjiweyo, into eyisinengiso eNkosini, umsebenzi wezandla zomuntu oyingcitshi, asimise ensitha. Bonke abantu bazakuthi: Ameni.

Abahluleli 17:13

UMika wasesithi: Khathesi ngiyazi ukuba iNkosi izangiphumelelisa ngoba ngilomLevi ongumpristi wami.

Abahluleli 17:2

Yena wathi kunina: Inhlamvu zesiliva eziyinkulungwane lekhulu ezantshontshwa kuwe, engakuzwa uqalekisa ngazo, zikhona kimi, yimi engazithathayo. Unina wathi: INkosi ikubusise, ndodana yami.

Abahluleli 17:4

Eseyibuyisele imali kunina, unina wathatha inhlamvu zesiliva ezingamakhulu amabili, wazinika umkhandi owenza ngazo isithombe; sabekwa endlini kaMika.

Abahluleli 18:30

AbakoDani bazimisela isithombe. UJonathani indodana kaGereshoma, kaMose, lamadodana akhe baba ngabapristi esizweni sakoDani kwaze kwaba lusuku lokuthunjwa kwelizwe.

Abahluleli 18:5

Asesithi kuyo: Ake ubuze uNkulunkulu ukuze sazi ukuba uhambo lwethu luzaphumelela yini.