Abahluleli 17:2 - iBhayibhili Elingcwele 1978

² Yena wathi kunina: Inhlamvu zesiliva eziyinkulungwane lekhulu ezantshontshwa kuwe, engakuzwa uqalekisa ngazo, zikhona kimi, yimi engazithathayo. Unina wathi: INkosi ikubusise, ndodana yami.

IBhayibhili Elingcwele LesiNdebele

² yathi kunina, “Amashekeli esiliva angamakhulu alitshumi lanye athathwa kuwe njalo engakuzwa uwaqalekisa, sikimi lesosiliva; yimi engasithathayo. ” Unina wathi, “UThixo kakubusise, ndodana yami!”

Abahluleli 17:2 ပူးပေါင်းရင်းမြစ်များ

UGenesisi 14:19

Wambusisa wathi: Kabusiswe uAbrama nguNkulunkulu oPhezukonke, uMdali wezulu lomhlaba.

UNehemiya 13:25

Ngaphikisana labo, ngabaqalekisa, ngatshaya abanye babo, ngangcothula inwele zabo; ngabafungisa ngebizo likaNkulunkulu ukuba bathi: Kasisayikwendisela amadodakazi ethu amadodana abo, loba sithathele amadodana ethu amadodakazi abo, ingabe sizithathele thina.

AmaHubo 10:3

Ngoba omubi uyazikhukhumeza ngezifiso zenhliziyo yakhe, loyisihwaba uyayithuka ayeyise iNkosi.

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

Izaga 28:24

Owebayo kubazali bakhe, abesesithi konanga, kangcono kulaye ochithayo.

UJeremiya 48:10

Uthukiwe lowo owenza umsebenzi weNkosi ngokungananzeleli; uthukiwe lalowo ogodla umkhonto wakhe ekuchitheni igazi.

UMatewu 26:74

Waseqala ukuthuka lokufunga, wathi: Kangimazi lumuntu. Lahle lakhala iqhude.

AbaseRoma 9:3

Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama.

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

UDutheronomi 27:16

Kaqalekiswe odumaza uyise lonina. Bonke abantu bazakuthi: Ameni.

2 UJohane 1:11

ngoba lowo ombingelelayo uhlanganyela laye emisebenzini yakhe emibi.

Abahluleli 17:1

Kwakukhona umuntu othile wasezintabeni zakoEfrayimi, ibizo lakhe linguMika.

Abahluleli 17:3

Wasezibuyisela kunina inhlamvu eziyinkulungwane lekhulu zesiliva. Unina wathi: Sengisahlukanisela iNkosi lesisiliva sami sibe ngesendodana yami, ukuba ngenze isithombe.

Abahluleli 5:23

Qalekisani iMerozi, kutsho isithunywa seNkosi, qalekisani kakhulu abakhileyo kulo, ngoba kabezanga ukusiza iNkosi, ukuyisiza iNkosi kanye lamaqhawe.

URuthe 3:10

Yena wathi: INkosi ikubusise, mntanami, ngoba usuwenze lumusa wakho ube mkhulu kulowokuqala, kawuyanga ensizweni ezingabayanga loba ezinothileyo.

1 USamuyeli 14:24

Abantu bakoIsrayeli bahlupheka ngalolosuku, ngoba uSawuli wafungisa abantu wathi: Kaqalekiswe umuntu odla ukudla kungakahlwi, ngingakaphindiseli ezitheni zami. Ngakho kakho umuntu owadlayo.

1 USamuyeli 14:28

Omunye wabantu wasesithi: Uyihlo ubafungisile impela abantu wathi: Uqalekisiwe umuntu odla ukudla lamuhla. Abantu basebephele amandla.

1 USamuyeli 15:13

USamuweli wamfumana uSawuli, uSawuli wathi kuye: INkosi ikubusise; sengilenzile ilizwi layo.

1 USamuyeli 23:21

USawuli wathi: INkosi ilibusise ngoba lingizwele isihawu.

1 USamuyeli 26:19

Ngakhoke, nkosi yami, ake uzwe amazwi, ami. Uba kuyiNkosi uNkulunkulu ekuqubula ngami, kayamukele umnikelo; kodwa uba kungabantu, kabaqalekiswe ngebizo leNkosi uNkulunkulu; ngoba bangixotshile lamuhla ukuba ngingabi lasabelo elizweni leNkosi uNkulunkulu, bathi: Hamba, uyekhonza abanye onkulunkulu.