Abahluleli 16:9 - iBhayibhili Elingcwele 1978

⁹ Wayelabantu abacathemeyo endlini engaphakathi; wathi kuye: Samsoni, amaFilistiya aphezu kwakho! Waziqamula intambo zomtshoko njengentambo yesikusha etshiswa ngomlilo. Ngakho kabawazanga ukuthi amandla akhe avela ngaphi.

IBhayibhili Elingcwele LesiNdebele

⁹ Kwakulabantu ababecatshile endlini, wasembiza wathi kuye, “Samsoni, amaFilistiya asephezu kwakho!” Kodwa yena waqamula imichilo kalula njengesiqa sentambo lapho sisondele eduzane lelangabi. Ngakho imfihlo yamandla akhe ayazakalanga.

Abahluleli 16:9 ပူးပေါင်းရင်းမြစ်များ

AmaHubo 58:9

Imbiza zenu zingakafudumali ngomlilo wameva aluhlaza ingabe avuthayo, uzakubaphephula bona.

Abahluleli 15:14

Kwathi esefikile eLehi, amaFilistiya amhlangabeza eklabalala. Umoya weNkosi wehlela ngamandla phezu kwakhe, lamagoda ayebophe ingalo zakhe aba njengesikusha esitshiswe ngomlilo, izibopho zakhe zawohloka ezandleni zakhe.

Abahluleli 16:10

UDelila wathi kuSamsoni: Ungikhohlisile wangitshela amanga; ake ungitshele ukuthi ungabotshwa njani.

Abahluleli 16:7

USamsoni wathi kuye: Uba bengibopha ngentambo zomtshoko eziyisikhombisa ezintsha ezingomanga, ngizakuba buthakathaka ngibe njengabantu bonke.

Abahluleli 16:8

Izikhulu zamaFilistiya zasezimlethela intambo zomtshoko eziyisikhombisa ezintsha ezingomanga; wasembopha ngazo.