Abahluleli 14:3 - iBhayibhili Elingcwele 1978

³ Kodwa uyise lonina bathi: Kakulantombi yini phakathi kwezihlobo zakho laphakathi kwabo bonke abakithi ukuba uyethatha umfazi kumaFilistiya angasokanga na? Kodwa uSamsoni wathi kuyise: Ngithathele yena ngoba ngiyamthanda.

IBhayibhili Elingcwele LesiNdebele

³ Uyise lonina baphendula bathi, “Kanti akulantombi eyamukelekayo yini phakathi kwezihlobo zakho loba phakathi kwabantu bonke bakithi? Usungaze uye kumaFilistiya angasokanga ukuba uthathe umfazi na?” Kodwa uSamsoni wathi kuyise, “Ngithathela yena. Nguye ongifaneleyo.”

Abahluleli 14:3 ပူးပေါင်းရင်းမြစ်များ

UGenesisi 13:8

UAbrama wasesithi kuLoti: Kakungabi khona ukuxabana phakathi kwami lawe, laphakathi kwabelusi bami labelusi bakho, ngoba singabazalwane.

UGenesisi 21:27

UAbrahama wathatha izimvu lezinkabi, wazinika uAbimeleki; bobabili benza isivumelwano.

UGenesisi 34:14

athi kubo: Asilakuwenza lokho, ukunika udadewethu umuntu ongasokwanga, ngoba lokho kulihlazo kithi.

2 USamuyeli 1:20

Lingakuxoxi eGathi, lingakumemezeli ezindleleni zaseAshikeloni, funa athokoze amadodakazi amaFilistiya, athabe lamadodakazi abangasokanga.

UJoshuwa 23:12

Ngoba uba libuyela emuva, lizihlanganise lezizwe eziseleyo phakathi kwenu, lithathane lazo ukuba lithathe abesifazana bazo, lazo zithathe abenu,

Abahluleli 14:2

Wasebuya ukutshela uyise lonina wathi: Ngibone enye yezintombi zamaFilistiya eTimina. Ake lingizuzele yona ibe ngumkami.

Abahluleli 15:18

Wayesomile kakhulu. Wakhala eNkosini wathi: Unikile lokhu ukukhululwa okukhulu ngesandla senceku yakho; sengizakufa yikoma, ngiwele ezandleni zabangasokanga na?

1 USamuyeli 14:6

UJonathani wathi emfaneni ophatha izikhali zakhe: Woza siwelele ebuthweni lalaba abangasokanga; engxenye iNkosi uNkulunkulu ingasisebenzela, ngoba kakukho okungayinqabela ukuba ikhulule ngabanengi loba ngabalutshwana.

1 USamuyeli 17:26

UDavida wathi ebantwini ababemi laye: Uzakwenzelwani umuntu obulala lumFilistiya, asuse ihlazo koIsrayeli na? Ngoba ungubani lumFilistiya ongasokanga ukuba azeyise izimpi zikaNkulunkulu ophilayo na?

1 USamuyeli 17:36

Inceku yakho seyabulala izilwane lamabhere; lalumFilistiya ongasokanga ngizamenza njalo, lokhu weyisile izimpi zikaNkulunkulu ophilayo.

1 USamuyeli 31:4

USawuli wasesithi kumphathi wezikhali zakhe: Khokha umhedla wakho, ungibulale ngawo, funa laba abangasokanga bafike bangigwaze, badlale ngami. Kodwa umphathi wezikhali zakhe kavumanga, ngoba wesaba kakhulu. Ngakho uSawuli wasethatha owakhe umhedla, waziwisela phezu kwawo.