Abahluleli 1:7 - iBhayibhili Elingcwele 1978

⁷ UAdoni‐Bezeki wathi: Amakhosi angamatshumi ayisikhombisa equnywe izithupha zawo lamazwane awo amakhulu ayedobha imvuthuluka ngaphansi kwetafula yami. Lokho engakwenza kuwo, uNkulunkulu usekwenze kimi. Basebemusa eJerusalema, lapho afela khona.

IBhayibhili Elingcwele LesiNdebele

⁷ U-Adoni-Bhezekhi wasesithi, “Amakhosi angamatshumi ayisikhombisa ayequnywe izithupha zawo lamazwane amakhulu ayedobha imvuthuluka ngaphansi kwetafula yami. Khathesi uNkulunkulu usephindisele kimi ngalokho engakwenza kuwo.” Bamusa eJerusalema lapho afela khona.

Abahluleli 1:7 ပူးပေါင်းရင်းမြစ်များ

1 AmaKhosi 21:19

Uzakuthi kuye: INkosi ithi: Ubulele umuntu futhi, wazithathela insimu yakhe. Uphinde uthi kuye: INkosi ithi: Endaweni lapho izinja zikhothe khona igazi likaNabothi zizakhotha igazi lakho.

U-Eksodasi 29:20

Uyihlabe, uthathe igazi layo, ulininde oqwangeni lwendlebe yokunene kaAroni, lasoqwangeni lwezindlebe zokunene zamadodana akhe, lasezithupheni zezandla zabo zokunene, lasemazwaneni amakhulu enyawo zabo zokunene, igazi eliseleyo likhatshazelwe ealtareni inxa zonke.

U-Isaya 33:1

Maye kini, bachithi, elingachithwanga lina! Lina bakhohlisi, elingakhohliswanga muntu! Kodwa lapho seliqedile ukuchitha, lizakuchithwa lina, lalapho seliqedile ukukhohlisa, lizakhohliswa lina.

UZefaniya 3:19

Khangela, ngalesosikhathi ngizakulwa labo bonke abakucindezelayo; ngizakusiza bonke abaqhulayo, ngibuthe abaxotshiweyo, ngiphendule ihlazo labo libe yingoma yokudumisa lodumo emhlabeni wonke.

AbaseRoma 2:15

ngoba babonakalisa ukuba umsebenzi womlayo ulotshiwe enhliziyweni zabo; lesazela sabo siyafakaza laso, lemicabango yabo ibasole loba ibavumele,

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

Abahluleli 1:6

UAdoni‐Bezeki wabaleka, baxotshana laye, bambamba, baquma izithupha zakhe lamazwane akhe amakhulu.

Abahluleli 9:24

ukuze ububi obenziwa kumadodana kaJerubali angamatshumi ayisikhombisa bubuyele kuye umfowabo owawabulalayo lasebantwini baseShekema abamkhuthaza ukubulala abafowabo.

Abahluleli 9:57

Futhi uNkulunkulu wabuyisela bonke ububi babantu baseShekema phezu kwabo, behlelwa yisiqalekiso sikaJothamu indodana kaJerubali.

1 USamuyeli 15:33

USamuweli wathi: Njengoba umhedla wakho ubaphucile abesifazana abantwana babo, ngokunjaloke lonyoko laye uzaphucwa abantwana bakhe. USamuweli wasemhlahlela uAgagi phambi kweNkosi eGiligali.