Abahluleli 1:10 - iBhayibhili Elingcwele 1978

¹⁰ Basebehlasela amaKanani ayehlala eHebroni; iHebroni kuqala kwakuthiwa yiKiriyathi‐Arba; banqoba uSheshayi loAhimani loTalimayi.

IBhayibhili Elingcwele LesiNdebele

¹⁰ Baqhubeka bayahlasela amaKhenani ayehlala eHebhroni (kuqala eyayithiwa yiKhiriyathi Aribha) banqoba uSheshayi, u-Ahimani kanye loThalimayi.

Abahluleli 1:10 ပူးပေါင်းရင်းမြစ်များ

UGenesisi 23:2

USara wafela eKiriyathi‐Arba okuyiHebroni elizweni laseKanani. UAbrahama wamlilela uSara wamkhalela.

UGenesisi 37:14

UIsrayeli wathi kuye: Hambake khathesi, ubone ukuthi bayaphila yini abafowenu, lokuba umhlambi ulungile, ubuye ungibikele. Wasemthuma esuka esigodini saseHebroni wayafika eShekema.

UmTshumayeli 9:11

Ngabuya ngabona ngaphansi kwelanga ukuthi umuntu olejubane kaphumeleli insuku zonke emjahweni, lamaqhawe alemandla kawanqobi empini insuku zonke; futhi ukudla kakusikho okwabahlakaniphileyo kokuphela, lenotho kayisiyo eyabalolwazi kokuphela, lokuphumelela kakusikho okwengcitshi kokuphela, ngoba isikhathi lethuba kubusa konke.

UJeremiya 9:23

INkosi ithi: Ohlakaniphileyo angazincomi ngokuhlakanipha kwakhe, leqhawe lingazincomi ngobuqhawe balo, lonothileyo angazincomi ngokunotha kwakhe;

AmaNani 13:22

Bahambake basukela eNegebi baze bafika eHebroni; kwakuhlala khona oAhimani loSheshayi loTalimayi, inzalo kaAnaki — IHebroni lakhiwa iminyaka eyisikhombisa lingakakhiwa iZowani laseGibithe —

AmaNani 13:33

Sabona lapho iziqhwaga — amadodana kaAnaki ayinzalo yeziqhwaga — Emehlweni ethu sasingangentethe phambi kwazo, sasinjalo lasemehlweni azo.

UJoshuwa 10:36

UJoshuwa wasesuka eEgiloni kanye laye wonke uIsrayeli, baya eHebroni, balihlasela,

UJoshuwa 14:15

Ibizo leHebroni kuqala laliliKiriyathi‐Arba; uArba wayengumuntu omkhulu phakathi kwamaAnaki. Ilizwe laba lokuphumula ekulweni.

Abahluleli 1:20

IHebroni lanikwa uKalebi njengokutsho kukaMose; waxotsha kilo amadodana amathathu kaAnaki.

Abahluleli 1:9

Emva kwalokho abakoJuda bayahlasela amaKanani ayehlala ezintabeni laseNegebi laseShefela.