2 uTimothi 4:8 - iBhayibhili Elingcwele 1978

⁸ Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

IBhayibhili Elingcwele LesiNdebele

⁸ Khathesi ngigcinelwe umqhele wokulunga iNkosi uMahluleli olungileyo ezanginika wona ngalelolanga njalo kungayisimi kuphela kodwa kubo bonke abatshisekela ukubonakala kwayo.

2 uTimothi 4:8 ပူးပေါင်းရင်းမြစ်များ

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

AmaHubo 7:11

UNkulunkulu ungumahluleli olungileyo, unguNkulunkulu othukuthela insuku zonke.

Izaga 4:9

Kuzakwethwesa umqhele omuhle ekhanda lakho, kukuthwalise umqhele wodumo.

UMalaki 3:17

Bazakuba ngabami, kutsho iNkosi yamabandla, babe yimpahla yami ngosuku lokwenza kwami, ngizabayekela njengalokhu umuntu eyekela indodana emsebenzelayo.

UMatewu 24:36

Kodwa lolosuku lalesosikhathi kakho muntu owaziyo ngaso, kanye lezithunywa zasezulwini, leNdodana, ngaphandle kukaBaba kuphela.

UMatewu 7:22

Abanengi bazakuthi kimi ngalolosuku: Nkosi, Nkosi, kasitshumayelanga yini ngebizo lakho, sakhupha omoya ababi ngebizo lakho, senza imisebenzi emikhulu eminengi ngebizo lakho, na?

ULukha 10:12

Ngithi kini: Kuzakuba ngcono kwabaseSodoma ngalolosuku kulakulowomuzi.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

AbaseRoma 8:23

Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.

1 AbaseKhorinte 2:9

Kodwa kunjengoba kulotshiwe ukuthi: Lokho ilihlo elingakubonanga, lendlebe engakuzwanga, okunganakanwanga yingqondo yomuntu, uNkulunkulu ukulungisele abamthandayo.

1 AbaseKhorinte 3:13

umsebenzi walowo lalowomuntu uzakuvela obala; usuku lokuthonisisa luzakuwudalula, ngoba luzavela lomlilo; umlilo uzakuhlola umsebenzi walowo lalowomuntu ukuba unjani.

1 AbaseKhorinte 9:25

Bonke abancintisanayo bayazithinta ezintweni zonke; bakwenza lokhu ukuze bamukele umqhele ophelayo, kodwa thina ukuze samukele ongapheliyo.

2 AbaseKhorinte 5:2

Impela khathesi siyabubula, silangatha ukwambatha indlu yethu yasezulwini,

AbaseFiliphi 3:11

ukuze kuthi uba kungenzeka ngifinyelele ekuvukeni kwabafileyo.

AbaseKholose 1:5

Lezizinto ezimbili zivela ethembeni elibekelwe lona ezulwini, elezwa ngalo ngaphambili ngelizwi leqiniso elilivangeli

1 AbaseThesalonika 1:10

lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.

1 AbaseThesalonika 5:4

Kodwa lina, bazalwane, kalikho emnyameni, ukuze lolosuku lulifice njengesela.

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

1 uTimothi 6:19

bazibekele isisekelo esihle esikhathini esizayo, ukuze babambe ukuphila koqobo.

2 uTimothi 1:10

osubonakalisiwe khathesi ngokubonakala koMsilisi wethu uKristu Jesu, owachitha ukufa, waletha ekukhanyeni ukuphila lokungabhubhi ngevangeli.

2 uTimothi 1:12

Ngalokhoke ngiyahlupheka; kodwa kangilamanhloni ngoba ngiyamazi engakholwa kuye, ngiyazi ukuthi ulamandla okulondoloza lokho anginike khona kuze kufike lolosuku.

2 uTimothi 1:18

INkosi imnike ukuba azuze isihawu eNkosini ngalolosuku. Konke ukusebenza kwakhe eEfesu uyakwazi wena kakhulu.

2 uTimothi 2:5

Futhi nxa umuntu encintisana labanye, kanikwa umqhele uba engancintisananga ngokomthetho.

2 uTimothi 4:1

Ngiyakulaya phambi kukaNkulunkulu loKristu Jesu ozakuthonisisa abaphilayo labafileyo, langokubonakala kwakhe langombuso wakhe,

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

AmaHebheru 12:11

Konke ukulaywa kambe kakuthokozisi ngalesosikhathi, kodwa ngasemuva kuyabalethela isithelo esihle sokulunga labo abakhuliswa ngakho.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

1 UPhethro 1:4

lokuba sibe lelifa elingapheliyo, elingangcolanga, elingabuniyo. Lilondolozelwe lona ezulwini,

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.