2 uTimothi 4:3 - iBhayibhili Elingcwele 1978

³ Ngoba isikhathi siyeza lapho bengayikuvuma ukufundisa okuqotho, kodwa ngokwenkanuko zabo bazakuzibuthela abafundisi abakholisa indlebe zabo;

IBhayibhili Elingcwele LesiNdebele

³ Ngoba isikhathi sizafika lapho abantu abangayikuyivuma khona imfundiso eqotho. Kodwa ukuze basuthise izinkanuko zabo, bazaziqoqela abafundisi abanengi ukuba batsho lokho indlebe zabo ezilumela ukukuzwa.

2 uTimothi 4:3 ပူးပေါင်းရင်းမြစ်များ

1 AmaKhosi 18:22

UElija wasesithi ebantwini: Sekuyimi ngedwa umprofethi weNkosi uNkulunkulu oseleyo; kodwa abaprofethi bakaBali bangamakhulu amane lamatshumi amahlanu.

1 AmaKhosi 22:18

Inkosi yakoIsrayeli yasisithi kuJehoshafati: Kangikutshelanga yini ukuthi kayikukhuluma okuhle ngami kodwa okubi kuphela na?

1 AmaKhosi 22:8

Inkosi yakoIsrayeli yathi kuye: Kusekhona omunye umuntu esingabuza ngaye eNkosini uNkulunkulu, nguMikaya indodana kaImla, kodwa kangimthandi ngoba kazake akhulume okuhle ngami, uhlala ekhuluma okubi. UJehoshafati wathi: Nkosi, ungatsho njalo.

U-Eksodasi 32:33

INkosi yathi kuMose: Owonileyo kimi ngizamsusa ogwalweni lwami.

U-Isaya 28:12

eyake yatsho kubo ukuthi: Nanku ukuphumula; phumuzani abadiniweyo; nanku ukuhlumelela; kodwa kabathandanga ukuzwa.

U-Isaya 30:10

abathi kubaboni: Lingabe lisabona; lakubaprofethi: Lingatshumayeli kithi okuqondileyo; kodwa khulumani kithi izinto ezimnandi, lamanga athokozisayo,

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 27:9

Ngakhoke lingabalaleli abaprofethi benu, labavumisayo benu, labaphuphi benu, lezangoma zenu, labathakathi benu abathi kini: Kaliyikuyisebenzela inkosi yaseBabiloni.

UJeremiya 29:8

INkosi yamabandla, uNkulunkulu kaIsrayeli, ithi: Lingavumeli abaprofethi benu labalumbi benu abakhona phakathi kwenu balikhohlise, lingawalaleli amaphupho abawaphuphayo;

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

ULukha 20:19

Ababhali labapristi abakhulu bafuna ukumbamba khona lapho, kodwa besaba abantu, ngoba babona ukuthi wayekhuluma lumfanekiso ngabo.

ULukha 6:26

Maye kini, nxa abantu bonke bekhuluma kuhle ngani! ngoba okhokho babo babesenza njalo kubaprofethi bamanga.

UJohane 8:45

Kodwa mina, ngoba ngikhuluma iqiniso, kalingikholwa.

Imisebenzi 17:21

Ngoba bonke abaseAtene labezizwe abahlala khona babengasebenzi lutho, kuphela ukuxoxa lokuzwa ngezinto ezintsha.

1 AbaseKhorinte 2:1

Lami, bazalwane, ekufikeni kwami kini kangifikanga ngobugabazi bokukhuluma langokuhlakanipha, ngitshumayela iqiniso elifakaziweyo likaNkulunkulu.

1 AbaseKhorinte 2:4

ukukhuluma kwami lokutshumayela kwami kakubanga ngamazwi okuhlakanipha ahugayo, kodwa kwaba ngokubonakalisa kukaMoya lokwamandla,

AbaseGalathiya 4:16

Kambe sengiyisitha senu ngokulitshela iqiniso na?

1 uTimothi 1:10

lezifebe, labesilisa abalalanayo, labathumba abanye, labaqamba amanga, labafungela amanga; impela lokunye nje okuphambene lemfundiso eqotho,

2 uTimothi 1:13

Bambelela kuso isibonelo samazwi aqotho owawezwayo kimi ngokukholwa langothando olukuKristu Jesu.

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.