2 uTimothi 3:3 - iBhayibhili Elingcwele 1978

³ labangelathando, labanhliziyo zilukhuni, labahlebayo, labangazikhuziyo, labalolaka, labazonda okuhle,

IBhayibhili Elingcwele LesiNdebele

³ labangelathando, labangathetheleliyo, labahlebayo, labangazikhuziyo, labalesihluku, labangakuthandiyo okuhle,

2 uTimothi 3:3 ပူးပေါင်းရင်းမြစ်များ

UGenesisi 49:7

Kaluthukwe ulaka lwabo ngoba lulamandla, lentukuthelo yabo, ngoba ilesihluku. Ngizakubachitha koJakobe, ngibahlakaze koIsrayeli.

AmaHubo 15:4

emehlweni akhe omubi uyenyanyeka, kodwa uyabazisa labo abayesabayo iNkosi, elondoloza isifungo sakhe loba elimala ngenxa yaso,

AmaHubo 22:6

Kodwa mina ngiyimpethu, kangisuye muntu, ngihlekwa ngabantu, ngeyiswe yibo bonke.

U-Isaya 53:3

Yadelelwa, yaliwa ngabantu, yaba ngumuntu wezinhlupheko, ijwayele usizi; yaba njengomuntu owenza abantu ukuba bangamkhangeli, yeyiswa, kasiyinanzanga.

U-Isaya 60:14

Amadodana abakucindezelayo azakuza kuwe ukukukhonza, labo bonke abakudelelayo bakhothamele ngasenyaweni zakho, bakubize ngokuthi unguMuzi weNkosi, iZiyone loNgcwele kaIsrayeli.

UDanyeli 8:23

Ensukwini zokucina zaleyomibuso, lapho izono zayo sezizinkulu, kuzavela inkosi elolunya elukhuni lekhohlisayo.

UMatewu 10:21

Umuntu uzakunikela umfowabo ekufeni, loyise umntanakhe; abantwana bazakuvukela abazali bababulale.

UMatewu 4:1

UJesu waseholelwa nguMoya enkangala ukuba alingwe nguSathane.

ULukha 10:16

Olizwayo lina uyangizwa mina; olalayo lina uyangala mina; ongalayo mina uyamala ongithumileyo.

ULukha 16:14

AbaFarisi ababethanda imali bakuzwa konke lokhu, bamklolodela.

UJohane 6:70

UJesu wabaphendula wathi: Kanti kangilikhethanga lina abalitshumi lambili na? Kodwake omunye wenu ungumoya omubi.

AbaseRoma 1:29

begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

AbaseRoma 1:31

labayizithutha, labangathembekanga, labangelathando, labangelasihawu;

1 AbaseKhorinte 7:5

Lingancitshani, kuphela kube ngokwesikhathi ngokuvumelana ukuba lizuze ithuba lokukhuleka, libuye lihlangane futhi, funa uSathane alilinge ngokungazithinti kwenu.

1 AbaseKhorinte 7:9

Kodwa uba bengelakuzithinta, kabende; ngoba kuhle ukwenda kulokutsha ngokufisa.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 uTimothi 3:11

Ngokunjalo labomkabo bafanele ukuba babe ngabahloniphekayo abanganyeyiyo, abazithintayo, abathembekileyo ezintweni zonke.

UThithu 1:8

Kodwa kabe ngophatha kuhle izihambi, lothanda okuhle, loziphathayo, loqondileyo, longcwele, lozithintayo.

UThithu 2:3

Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,

UJakhobe 2:6

Kodwa lina libadumazile abayanga. Abanothileyo kabalicindezeli na? Kakusibo abalidonsela emacaleni na?

2 UPhethro 2:14

Balamehlo akhangele ubufebe langayekeli ukukhangela isono; bayenga ababuthakathaka; balenhliziyo ezejwayele ubuhwaba; bangabantwana abaqalekisiweyo;

2 UPhethro 2:19

bebathembisa inkululeko, kanti bona uqobo bayizigqili zokubola; ngoba lokho umuntu ahlulwa yikho uyisigqili sakho.

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.

Isambulo 13:15

Sanikwa futhi ukuba siwuphe umfanekiso wesilo umoya, ukuze ukhulume, senze ukuba bonke abangawukhonziyo babulawe.

Isambulo 13:17

ukuba kungabi khona othengayo loba othengisayo, uba engelalo uphawu olulibizo lesilo loba isibalo sebizo laso.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.