2 uTimothi 3:13 - iBhayibhili Elingcwele 1978

¹³ kodwa abantu ababi labakhohlisi bazakuqhubekela phambili ebubini, bekhohlisana.

IBhayibhili Elingcwele LesiNdebele

¹³ kukanti abantu ababi labakhohlisi bazakonakala ngokudlulisayo, bekhohlisa labo bekhohliswa.

2 uTimothi 3:13 ပူးပေါင်းရင်းမြစ်များ

UJobe 12:16

Kuye kukhona amandla lokuhlakanipha; oduhisiweyo lomduhisi bangabakhe.

U-Isaya 44:20

Kufana nje lokudla umlotha; ingqondo yobuthutha iyamkhohlisa; kaboni ukuthi lokhu akuphethe ngesandla kakusunkulunkulu.

UHezekhiyeli 8:13

Wasesithi kimi futhi: Uzabuya ubone amanyala amakhulu ukudlula la abawenzayo.

2 AbaseKhorinte 6:8

ngodumo langehlazo, ngokuthukwa langokudunyiswa. Siyaphathwa njengabakhohlisi, kanti singabeqiniso;

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

2 uTimothi 3:8

Njengoba uJane loJambere bamelana loMose, ngokunjalo lalaba bamelana leqiniso, bengabantu abalengqondo eyonakeleyo, abehluleka ukukholwa.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

2 UPhethro 2:20

Uba emva kokuba sebephephile ekungcoleni komhlaba ngokuyazi iNkosi yethu loMsilisi uJesu Kristu, babuye behilelwa, bahlulwa yikho, ukucina kwabo kubi kulokuqala.

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.