2 uTimothi 2:7 - iBhayibhili Elingcwele 1978

⁷ Nakana ngengikutshoyo, ngoba iNkosi izakukunika ukuqedisisa ngezinto zonke.

IBhayibhili Elingcwele LesiNdebele

⁷ Nakana ngalokho engikutshoyo ngoba iNkosi izakupha umbono kukho konke lokhu.

2 uTimothi 2:7 ပူးပေါင်းရင်းမြစ်များ

1 ImiLando 22:12

INkosi ikunike ukuhlakanipha lokuqedisisa, ukuba kuthi lapho ikunika amandla koIsrayeli, uwulondoloze umlayo weNkosi uNkulunkulu wakho.

1 ImiLando 29:19

Umnike uSolomoni indodana yami inhliziyo epheleleyo ukugcina imilayo yakho lemithetho yakho lezimiso zakho, azenze zonke, lokuba akhe lesisigodlo mina esengisilungiselele.

AmaHubo 119:125

Ngiyinceku yakho; ngiphe ukuqedisisa, ukuba ngiyazi imilayo yakho.

AmaHubo 119:144

Imilayo yakho ilungile kuze kube nininini; ngiphe ukuqedisisa ukuba ngiphile.

AmaHubo 119:73

Izandla zakho zingenzile, zangibumba; nginika ukuqedisisa ukuba ngifunde imithetho yakho.

AmaHubo 64:9

Bonke abantu bazakutshaywa luvalo, batshumayele izenzo zikaNkulunkulu, banakane ngalokho akwenzileyo.

Izaga 24:32

Ngakukhangela, nganakana ngakho; ekunakaneni kwami ngafunda lesisifundo

U-Isaya 1:3

Inkabi iyamazi umniniyo, lobabhemi uyawazi umkolo womnikazi wakhe; kodwa uIsrayeli, abantu bami, kabazi, kabaqedisisi.

U-Isaya 28:26

Ngoba ufundiswa kuhle efundiswa nguNkulunkulu wakhe.

U-Isaya 5:12

Batshaye umhubhe lechacho, isigubhu lomhlanga, banathe iwayini emadilini abo, kodwa bengananzi izenzo zeNkosi, bengaboni lemisebenzi yezandla zayo.

UDanyeli 1:17

Lamajaha amane uNkulunkulu wawanika ukwazi lamandla okufunda izincwadi, kanye lokuhlakanipha. Njalo uDaniyeli wayelokuqedisisa ngayo yonke imibono lamaphupho.

ULukha 21:15

ngoba mina ngizakulinika umlomo lokuhlakanipha abangemelane lakho, bakuphike, bonke abayizitha zenu.

ULukha 24:45

Wasevula ingqondo zabo, ukuze baqedisise imibhalo.

ULukha 9:44

Lamazwi kawangene azike endlebeni zenu, ukuthi iNdodana yomuntu izakunikelwa ezandleni zabantu.

UJohane 14:26

Kodwa uMsizi, uMoya oNgcwele, azakumthumela uBaba ebizweni lami, yena uzakulifundisa zonke izinto, alikhumbuze konke engakutshoyo kini.

UJohane 16:13

Nxa uMoya weqiniso esefikile, yena uzakuliholela eqinisweni lonke; ngoba kayikuzikhulumela ngokwakhe, kodwa lokho akuzwayo uzakukukhuluma, alibikele izinto ezizayo.

Imisebenzi 7:10

wamkhulula kuzo zonke inhlupheko zakhe, wamnika umusa lokuhlakanipha phambi kukaFaro inkosi yaseGibithe; yena wamenza abe ngumbusi weGibithe lowendlu yakhe yonke.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

UDutheronomi 32:29

Uba bebehlakaniphile, ngabe bakuqedisisa lokhu, bazi ukuphela kwabo.

UDutheronomi 4:39

Ngakhoke yazini lamuhla, likugcine enhliziyweni zenu ukuthi iNkosi inguNkulunkulu phezulu ezulwini laphansi emhlabeni; kakho omunye.

AbaseFiliphi 4:8

Elokucinake, bazalwane, konke okuliqiniso, konke okuhloniphekayo, konke okulungileyo, konke okuhlambulukileyo, konke okuhle, konke okulodumo oluhle, uba kukhona okudumisekayo, nakanani ngakho lokhu.

AbaseKholose 1:9

Ngakhoke lathi, kusukela mhla wosuku esezwa ngalo, kasiyekeli ukulikhulekela lokulicelela ukuba ligcwaliswe ngokwazi intando yakhe ngokuhlakanipha konke lokuqedisisa okungomoya,

1 uTimothi 4:15

Nanzelela lezizinto, uzikhuthalele, ukuze bonke babone ukuqhubeka kwakho.

2 uTimothi 2:6

Kungumlimi osebenza kakhulu ofanele ukuba amukele izithelo kuqala.

2 uTimothi 2:8

Khumbula uJesu Kristu ovukileyo kwabafileyo, owenzalo kaDavida ngokwevangeli lami,

AmaHebheru 12:3

Mqapheliseni yena owakhuthazela ephikwa kangaka yizoni, ukuze lingadinwa, liphelelwe ngamandla enhliziyweni.

AmaHebheru 13:7

Khumbulani abakhokheli benu labo abalitshumayeza ilizwi likaNkulunkulu, liqaphelise ukuphela kokuhamba kwabo, lilingisele ukukholwa kwabo.

AmaHebheru 3:1

Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,

AmaHebheru 7:4

Bonani ukuthi mkhulu kangakanani lumuntu owaphiwa okwetshumi kwempango ngukhokho uAbrahama.

UJakhobe 1:5

Uba kukhona kini oswele ukuhlakanipha, kacele kuNkulunkulu ophanayo kibo bonke abantu angabasoli, uzakukunikwa.

UJakhobe 3:15

Lokhu kakusikho ukuhlakanipha okuvela phezulu, kodwa kungokomhlaba, kungokwenyama lokwabomoya ababi.

UJakhobe 3:17

Kodwa ukuhlakanipha okwaphezulu okokuqala kuhlambulukile, andubana kube lokuthula, kube mnene, kulalele, kugcwale isihawu lezithelo ezinhle; kakulakuthandabuza lokuzenzisa.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.