2 uTimothi 2:25 - iBhayibhili Elingcwele 1978

²⁵ ibaluleke ngomoya omnene abamelana layo. Kumbe uNkulunkulu angabanika ukuphenduka, baze balazi iqiniso,

IBhayibhili Elingcwele LesiNdebele

²⁵ Abaphikisayo kumele belulekwe kuhle, ngethemba lokuthi uNkulunkulu uzabaguqula inhliziyo baholelwe ekwazini iqiniso

2 uTimothi 2:25 ပူးပေါင်းရင်းမြစ်များ

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

UHezekhiyeli 12:3

ngoba bangabantu abahlamukayo. Ngakhoke, wena ndoda, lungisa umthwalo womuntu othunjiweyo, usuke emini uhambe phambi kwabo njengomuntu othunjiweyo, usuke endaweni yakho uye kwenye indawo phakathi kwabo. Mhlawumbe bazakuqedisisa lanxa bengabantu abahlamukayo.

UHezekhiyeli 36:26

Ngizalinika inhliziyo entsha, ngifake lomoya omutsha phakathi kwenu, ngikhuphe inhliziyo elukhuni kini, ngilinike inhliziyo ebuthakathaka.

UHezekhiyeli 36:31

Lizakhumbula izindlela zenu ezimbi, lezenzo zenu ezingalunganga; lizazizonda ngenxa yezono zenu langenxa yamanyala enu.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

UMatewu 21:32

Ngoba uJohane wafika kini ngendlela yokulunga, kalikholwanga kuye; kodwa abathelisi lezifebe bakholwa kuye; kodwa lina lanxa selikubonile, kaliphendukanga emva kwalokho, ukuba likholwe kuye.

UMakho 1:15

wathi: Isikhathi sesiphelele, umbuso kaNkulunkulu ususondele; phendukani, likholwe ivangeli.

UJohane 5:34

Kodwa kangibamukeli ubufakazi obuvela emuntwini; kodwa ngitsho lokhu ukuze lisiliswe.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 2:38

UPetro wathi kubo: Phendukani, libhaphathizwe lonke ebizweni likaJesu Kristu ukuba lithethelelwe izono zenu; kung’khona lizakwamukela isiphiwo sikaMoya oNgcwele.

Imisebenzi 20:21

ngifakaza kubaJuda lakumaGriki ukuphendukela kuNkulunkulu lokukholwa iNkosi yethu uJesu Kristu.

Imisebenzi 5:21

Kwathi sebezwile lokhu, bangena ethempelini emadabukakusa, bafundisa. Kwasekufika umpristi omkhulu lalabo ababelaye, babizela ndawonye umphakathi wabo bonke abadala bakoIsrayeli, bathumela entolongweni ukuba balethwe.

Imisebenzi 5:31

yena uNkulunkulu wamphakamisela ngakwesokunene sakhe abe yiNkosi loMsilisi ukuba anike uIsrayeli ukuphenduka lokuthethelelwa kwezono.

Imisebenzi 8:22

Ngakhoke phenduka kulobububi bakho, ucele iNkosi ukuthi uba kungenzeka uthethelelwe iminakano yenhliziyo yakho,

AbaseGalathiya 6:1

Bazalwane, uba umuntu esehlelwa yisiphambeko, lina abakaMoya mlungiseni onjalo ngomoya wobumnene. Uqaphele lawe ukuba ungalingwa wena.

1 uTimothi 2:4

othanda ukuba bonke abantu basiliswe, bafinyelele ekwazini iqiniso.

1 uTimothi 6:11

Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

2 uTimothi 3:7

bethanda ukufundiswa njalonjalo, kodwa bengeke bafinyelele ekulazini iqiniso.

UThithu 1:1

Mina Pawuli, inceku kaNkulunkulu lomphostoli kaJesu Kristu wokwakha ukukholwa kwabakhethiweyo bakaNkulunkulu lowokwandisa ukwazi iqiniso elimayelana lokukhonza uNkulunkulu,

UThithu 3:2

bangahlebi muntu, bangabi yizilwi, babe mnene, bahloniphe bonke abantu.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;

1 UJohane 5:16

Uba umuntu ebona umzalwane wakhe esenza isono esingesiso sokufa, kamkhulekele kuNkulunkulu; uzakumnika ukuphila, ngitsho labo abangenzanga isono sokufa. Sikhona isono sokufa, kangitsho ukuba kukhulekelwe leso;