2 uTimothi 2:20 - iBhayibhili Elingcwele 1978

²⁰ Endlini enkulu kakukho izitsha zegolide lezesiliva kuphela, kodwa kukhona lezesihlahla lezebumba, ezinye zilomsebenzi omkhulu, ezinye zilomsebenzi omncinyane.

IBhayibhili Elingcwele LesiNdebele

²⁰ Endlini enkulukazi akulazitsha zegolide lezesiliva nje kuphela kodwa lezezigodo kanye lezebumba; ezinye ngezemisebenzi encomekayo njalo ezinye ngezokusebenzisa nje.

2 uTimothi 2:20 ပူးပေါင်းရင်းမြစ်များ

U-Ezra 1:6

Bonke ababehlala labo babasiza ngokubanika izitsha zesiliva langegolide langempahla langenkomo langezipho ezinengi eziligugu, ngaphezu kwalokho okwakunikelwe ngesihle.

U-Ezra 6:5

Lezitsha zegolide lezesiliva zendlu kaNkulunkulu uNebukadineza azithatha ethempelini eliseJerusalema waziletha eBabiloni, kazibuyiselwe ethempelini eliseJerusalema, zonke endaweni zazo, zibekwe endlini kaNkulunkulu.

U-Eksodasi 27:3

Wenze izimbiza zokususa umlotha walo, lamafotsholo alo, lemiganu yalo yokuchela, lamafolokwe alo, lezitsha zalo zokuthwala umlilo, uzenze zonke izinto zalo ngethusi.

Izililo 4:2

Bona amadodana aligugu aseZiyone, abekade elingana legolide elihle kakhulu, khathesi aselingana lembiza zebumba nje ezenziwa yizandla zombumbi.

UDanyeli 5:2

UBelishazari esalikholisa iwayini walaya ukuba kulethwe izitsha zegolide lezesiliva uNebukadineza uyise ayezithethe ethempelini eJerusalema, ukuba inkosi lezikhulu zayo labomkayo labanye abafazi bayo banathele kizo.

UJohane 8:49

UJesu waphendula wathi: Kangilaye umoya omubi. Kodwa ngiyadumisa uBaba; lina liyangigcona.

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

1 AbaseKhorinte 3:9

Thina siyizisebenzi kanye loNkulunkulu; lina liyinsimu kaNkulunkulu, liyisakhiwo sikaNkulunkulu.

2 AbaseKhorinte 4:7

Kodwa silayo linotho ezitsheni zebumba, ukuze ubukhulu bamandla amakhulu bube ngobukaNkulunkulu, bungabi ngobethu.

Abase-Efesu 2:22

Lina kanye labanye liyakhiwa kuye, ukuba libe yindlu kaNkulunkulu azakuhlala kuyo uMoya.

1 uTimothi 3:15

uba ngibambeka, wazi ukuthi abantu bafanele ukuziphatha kanjani endlini kaNkulunkulu, elibandla likaNkulunkulu ophilayo, insika lesisekelo seqiniso.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.