2 uTimothi 2:15 - iBhayibhili Elingcwele 1978

¹⁵ Khuthalela ukuba uziveze kuNkulunkulu uthembekile, uyisisebenzi esingelanhloni esiphatha kuhle ilizwi leqiniso.

IBhayibhili Elingcwele LesiNdebele

¹⁵ Yenza ubungcono bakho ukuba uzethule kuNkulunkulu njengohloliweyo, isisebenzi esingadingi ukuba sibe lenhloni njalo esiliphatha kuhle ilizwi leqiniso.

2 uTimothi 2:15 ပူးပေါင်းရင်းမြစ်များ

UMatewu 13:52

Wathi kubo: Ngakhoke ilowo lalowombhali ofundiselwe umbuso wezulu unjengomuntu ongumnumzana okhupha enothweni yakhe okutsha lokudala.

UMakho 4:33

Walikhuluma kubo ilizwi ngemifanekiso eminengi enjalo njengamandla abo okuzwa;

ULukha 12:42

INkosi yasisithi: Nguwuphi umphathi wezinceku othembekileyo lohlakaniphileyo, inkosi yakhe ezakumbeka phezu kwabendlu yayo ukuba abanike isabelo sabo sokudla ngesikhathi esifaneleyo na?

Imisebenzi 2:22

Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

Imisebenzi 20:27

Ngoba kangiyekelanga ukulitshela lonke icebo likaNkulunkulu.

AbaseRoma 14:18

Okhonza uKristu kulokhu uyamukeleka kuNkulunkulu, uthandekile ebantwini.

AbaseRoma 16:10

Bingelelani uApele, othembekileyo kuKristu. Bingelelani labo abendlu kaAristobulu.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

1 AbaseKhorinte 2:6

Ukuhlakanipha sikukhuluma phakathi kwabapheleleyo, lanxa kungeyisikho ukuhlakanipha kwalesisikhathi ingabe ukuhlakanipha kwababusi balesisikhathi, abazakubhubha.

2 AbaseKhorinte 10:18

Ngoba kasuye ozincomayo ovunywayo, kodwa yilowo onconywa yiNkosi.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

2 AbaseKhorinte 5:9

Ngalokhoke, loba sisekhaya loba singekho, sizimisele ukuyithokozisa.

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

Abase-Efesu 1:13

Lani, eselizwile ilizwi leqiniso elilivangeli lokusiliswa kwenu lakholwa kuye, libekwe uphawu loMoya oNgcwele othenjisiweyo

1 AbaseThesalonika 2:4

kodwa njengoba sivunyiwe nguNkulunkulu ukuba siphathiswe ivangeli, siyakhulumake, singenzeli ukuthokozisa abantu kodwa ukuthokozisa uNkulunkulu ohlolayo inhliziyo zethu.

1 AbaseThesalonika 5:14

Siyalilaya, bazalwane, ukuba leluleke abavilaphayo, liqinise abadanileyo, lisize ababuthakathaka, libabekezelele bonke.

1 uTimothi 4:6

Uba ubeluleka ngalezizinto abazalwane, uzakuba yisikhonzi esihle sikaKristu Jesu, wondliwe ngamazwi okukholwa lesifundiso esihle osilandelayo.

AmaHebheru 4:11

Ngakhoke asikhuthalele ukungena kulokhokuphumula, ukuze kungawi loyedwa ngalesisibonelo sokungalaleli.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

2 UPhethro 1:10

Ngakhoke, bazalwane, tshisekelani kakhulu ukuqinisa ukubizwa lokukhethwa kwenu; ngoba uba lisenza lokhu, kalisoze lakhubeka.

2 UPhethro 1:15

Ngizakulungisa ukuthi ngezikhathi zonke emva kokusuka kwami lisale lizikhumbula lezizinto.

2 UPhethro 3:14

Ngakho, bathandekayo, lokhu lisalindele lezozinto, tshisekelani ukuba lifunyanwe nguye lingelacwatshana, lingelasici, lilokuthula.