2 uTimothi 1:7 - iBhayibhili Elingcwele 1978

⁷ Ngoba uNkulunkulu kasinikanga umoya wobugwala, kodwa wasinika umoya wamandla lowothando lowokuzithinta.

IBhayibhili Elingcwele LesiNdebele

⁷ Ngoba uNkulunkulu kasiphanga umoya wobugwala kodwa umoya wamandla, lowothando kanye lowokuzithiba.

2 uTimothi 1:7 ပူးပေါင်းရင်းမြစ်များ

AmaHubo 119:80

Inhliziyo yami kayiphelele ezimisweni zakho, ukuze ngingayangeki.

Izaga 2:7

Iyagcinela abaqotho amandla, iyisihlangu kubo abahamba ngeqiniso;

Izaga 8:14

Ngilokweluleka lokuhlakanipha okuqondileyo, ngilokuqedisisa lamandla.

U-Isaya 11:2

Umoya weNkosi uzakuhlala phezu kwakhe, umoya wokuhlakanipha lokuqedisisa, umoya wokuqondisa lowamandla, umoya wokwazi lowokwesaba iNkosi.

UMikha 3:8

Kodwa mina nginikwe amandla, lokulunga lesibindi, ukuba ngimtshele uJakobe iziphambeko zakhe loIsrayeli isono sakhe.

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

ULukha 10:19

Khangelani, ngilinikile amandla okunyathela inyoka lofezela, lokunyathela amandla wonke esitha; kaliyikulinyazwa lutho.

ULukha 15:17

Kwathi sekusile kuyo, yathi: Zingaki izisebenzi zikababa eziqatshiweyo ezilokudla okunengi, kanti mina ngiyafa yindlala lapha.

ULukha 24:49

Khangelani, ngiyathumela kini isithembiso sikaBaba; kodwa hlalani emzini, lize lambathiswe amandla avela phezulu.

ULukha 8:35

Abantu baphuma ukuyabona okwenzekileyo, bafika kuJesu, bamfumana lowomuntu okwakhutshwa kuye omoya ababi ehlezi ngasenyaweni zikaJesu embethe, eqonda; besaba.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

Imisebenzi 1:8

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

Imisebenzi 26:11

Ngabatshaya emasinagogeni wonke, ngazama ukubenza bahlambaze uKristu; ngahlanya kakhulu ngabo, ngabazingela kwaze kwafika emizini yabezizwe.

Imisebenzi 26:25

Kodwa uPawuli wathi: Kangihlanyi, mhlekazi Festusi, kodwa ngikhuluma amazwi aliqiniso eliqondileyo.

Imisebenzi 6:8

UStefane egcwele umusa lamandla wenza izimangaliso lezibonakaliso ezinkulu phakathi kwabantu.

Imisebenzi 9:22

Kodwa uSawuli wakhula kakhulu emandleni, wabehlula abaJuda abakhileyo eDamaseko eqinisa ukuthi uJesu unguKristu.

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

AbaseRoma 8:15

Kalamukeliswanga umoya wobugqili ukuba libuye lesabe, kodwa lamukeliswa umoya wobuntwana, esimemeza ngawo sisithi: Aba, Baba!

1 AbaseKhorinte 2:4

ukukhuluma kwami lokutshumayela kwami kakubanga ngamazwi okuhlakanipha ahugayo, kodwa kwaba ngokubonakalisa kukaMoya lokwamandla,

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

AbaseKholose 1:8

nguye futhi ositshele ngothando lwenu olungaye uMoya.

AmaHebheru 2:15

abakhulule ebugqilini bonke labo abathi ngokwesaba ukufa ekuphileni kwabo konke baba yizigqili.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UJohane 4:18

Kakukho ukwesaba othandweni; kodwa uthando olupheleleyo luyaxotsha ukwesaba. Ngoba ukwesaba kulobuhlungu, lowesabayo kaphelelanga othandweni.