2 uTimothi 1:15 - iBhayibhili Elingcwele 1978

¹⁵ Uyakwazi ukuthi bonke abaseAsiya bangihlamuka, abaphakathi kwabo ngoFigelo loHermogene.

IBhayibhili Elingcwele LesiNdebele

¹⁵ Uyakwazi ukuthi abantu bonke esabelweni sase-Ezhiya sebangidela, kubalwa loFigelusi kanye loHemogenesi.

2 uTimothi 1:15 ပူးပေါင်းရင်းမြစ်များ

Imisebenzi 16:6

Basebedabula ilizwe laseFrigiya lelaseGalathiya, balelwa nguMoya oNgcwele ukukhuluma ilizwi eAsiya.

Imisebenzi 19:10

Lokhu kwaqhubeka iminyaka emibili, baze balizwa ilizwi leNkosi bonke abakhileyo eAsiya, amaJuda lamaGriki.

Imisebenzi 19:27

Kayisikho lokhu kuphela okokuthi umsebenzi wethu lo usengozini, kodwa lethempeli likankulunkulukazi omkhulu uDiyana lalo lizakuthiwa liyinto engesilutho, lobukhulukazi bakhe buzakuphela yena elimkhonzayo lonke elaseAsiya lomhlaba wonke.

Imisebenzi 19:31

Lababusi baseAsiya abathile ababengabangane bakhe, bathumela kuye bemncenga ukuba angalingi ukungena endaweni yokudlalela.

Imisebenzi 2:9

AmaPathiya, lamaMede, lamaElamu, labakhe eMesopotamiya, laseJudiya, laseKaphadosiya, lasePontusi, laseAsiya,

Imisebenzi 20:16

Ngoba uPawuli wayezimisele ukuyiceza iEfesu ukuze angalibali eAsiya; wayephanga ukuba abe seJerusalema, uba kungenzeka, ngosuku lwePentekoste.

1 AbaseKhorinte 16:19

Amabandla aseAsiya ayalibingelela; uAkwila loPriska kanye lebandla elisemzini wabo, bayalibingelela kakhulu eNkosini.

AbaseFiliphi 2:21

ngoba bonke bazifunela okwabo, bengafuni okukaJesu Kristu.

2 uTimothi 4:16

Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.