2 uTimothi 1:10 - iBhayibhili Elingcwele 1978

¹⁰ osubonakalisiwe khathesi ngokubonakala koMsilisi wethu uKristu Jesu, owachitha ukufa, waletha ekukhanyeni ukuphila lokungabhubhi ngevangeli.

IBhayibhili Elingcwele LesiNdebele

¹⁰ kodwa khathesi usubonakaliswe ngokubonakala koMsindisi wethu uKhristu Jesu, osechithe ukufa waletha ekukhanyeni ukuphila lokungafi ngevangeli.

2 uTimothi 1:10 ပူးပေါင်းရင်းမြစ်များ

U-Isaya 43:3

Ngoba mina ngiyiNkosi uNkulunkulu wakho, oNgcwele kaIsrayeli, uMsilisi wakho. Ngizanika iGibithe libe lihlawulo lakho, loEtiyopiya leSeba esikhundleni sakho.

U-Isaya 45:15

Impela unguNkulunkulu ozifihlayo, wena Nkulunkulu wakoIsrayeli, loMsilisi.

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

UHosiya 13:14

Ngizabahlawulela emandleni endawo yabafileyo yini? ngibahlenge ekufeni na? Kufa, zingaphi izifo zakho na? Ndawo yabafileyo, kungaphi ukuchitheka kwakho? Isihawu kasisekho kimi.

ULukha 11:36

Ngakhoke uba umzimba wakho wonke ulokukhanya ungelandawo emnyama, uzakukhanya wonke njengesibane sikukhanyisa ngokukhanya kwaso.

ULukha 13:7

Wasesithi kuso isisebenzi sakhe sesivini: Khangela, sekuyiminyaka emithathu ngisiza lapha ngifuna izithelo kulesisihlahla somkhiwa, ngiziswela. Sigamule; yini ukuba sone umhlabathi na?

ULukha 2:11

ngoba lizalelwe lamuhla emzini kaDavida uMkhululi onguKristu iNkosi.

UJohane 1:9

Ukukhanya okuqinisileyo okukhanyisa wonke umuntu, kwasekusiza emhlabeni.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 20:31

Kodwa lezi zilotshelwe ukuba likholwe ukuthi uJesu unguKristu iNdodana kaNkulunkulu, lokuba lithi likholwe, libe lokuphila ebizweni lakhe.

UJohane 4:42

Bathi kowesifazana: Kasisakholwa ngenxa yamazwi akho nje, ngoba sesizizwele thina, siyazi ukuba isibili lo unguMsilisi womhlaba.

UJohane 5:40

Kanti kalivumi ukuza kimi ukuba libe lokuphila.

Imisebenzi 13:23

Enzalweni yalumuntu uNkulunkulu ulethele uIsrayeli uMsilisi uJesu njengokuthembisa kwakhe;

Imisebenzi 5:31

yena uNkulunkulu wamphakamisela ngakwesokunene sakhe abe yiNkosi loMsilisi ukuba anike uIsrayeli ukuphenduka lokuthethelelwa kwezono.

AbaseRoma 16:26

kodwa isibonakalisiwe khathesi, yaziswa ezizweni zonke ngemibhalo yabaprofethi njengomlayo kaNkulunkulu ongapheliyo ukuze zilalele ngokukholwa,

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseRoma 3:31

Ngakhoke siyawenza umlayo ube yize ngokukholwa na? Phinde! Kodwa siyawuqinisa umlayo.

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

1 AbaseKhorinte 15:26

Isitha sokucina esizakuchithwa siyikufa.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 5:4

Ngoba nxa sisekhona kulelidumba siyabubula, siyasindwa, ngoba kasifisi ukwambulwa kodwa ukwambathiswa, ukuze lokho okubhubhayo kuginywe yikuphila.

AbaseGalathiya 5:4

Lehlukene loKristu lina elifuna ukulungisiswa ngomlayo; lehlukene lomusa.

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Abase-Efesu 1:9

Usazisile imfihlakalo yentando yakhe ngokwecebo lakhe alimisa ngaphambili kuKristu,

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

2 uTimothi 1:1

Mina Pawuli, umphostoli kaKristu Jesu ngentando kaNkulunkulu ngokwesithembiso sokuphila okukuKristu Jesu,

2 uTimothi 1:8

Ngalokhoke ungabi lanhloni lapho ufakazela iNkosi yethu, loba ngami isibotshwa sayo, kodwa hlanganyela ukuhluphekela ivangeli ngamandla kaNkulunkulu.

2 uTimothi 4:1

Ngiyakulaya phambi kukaNkulunkulu loKristu Jesu ozakuthonisisa abaphilayo labafileyo, langokubonakala kwakhe langombuso wakhe,

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

UThithu 2:11

Ngoba umusa kaNkulunkulu usufikile uletha ukusiliswa ebantwini bonke,

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

UThithu 3:4

Kodwa lapho sekufikile ukulunga lesihawu sikaNkulunkulu uMsilisi wethu

AmaHebheru 10:32

Khumbulani insuku zakuqala, okwathi ngazo selikhanyisiwe lakhuthazela ebunzimeni obukhulu kanye lezinhluphekweni.

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.

2 UPhethro 1:3

Amandla akhe asinikile konke okumayelana lokuphila lokukhonza uNkulunkulu, ngokumazi yena owasibizela ebukhosini lebuhleni bakhe,

2 UPhethro 2:20

Uba emva kokuba sebephephile ekungcoleni komhlaba ngokuyazi iNkosi yethu loMsilisi uJesu Kristu, babuye behilelwa, bahlulwa yikho, ukucina kwabo kubi kulokuqala.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

2 UPhethro 3:2

ukuze likhumbule amazwi atshunyayelwa ngaphambili ngabaprofethi abangcwele, lomlayo weNkosi loMsilisi owatshunyayelwa ngabaphostoli benu.

1 UJohane 1:2

Lokhokuphila kwabonakaliswa; sakubona, siyaqinisa silitshumayeza lokhukuphila okungapheliyo okwakukhona kuBaba, kwabonakaliswa kithi.

1 UJohane 4:14

Sibonile, siyafakaza ukuthi uBaba uyithumele iNdodana yakhe ibe nguMsilisi womhlaba.

Isambulo 18:1

Emva kwalokho ngabona esinye isithunywa sisehla sivela ezulwini, silamandla amakhulu, lomhlaba wakhanyiswa yikukhazimula kwaso.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 20:14

Kwathi ukuFa lendawo yabafileyo kwaphoselwa echibini lomlilo; lelichibi liyikufa kwesibili.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

Isambulo 22:17

UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.