2 USamuyeli 8:2 - iBhayibhili Elingcwele 1978

² Wanqoba amaMowabi, wawalalisa phansi, wawalinganisa ngentambo; kuyo yonke imizila ngamibili eyababulawayo umzila owodwa opheleleyo wayekelwa. AmaMowabi aba yizinceku zikaDavida, athela kuye.

IBhayibhili Elingcwele LesiNdebele

² UDavida njalo wehlula amaMowabi. Wawalalisa phansi emhlabathini wawalinganisa ngobude bentambo. Zonke izilinganiso ezimbili zawo zabulawa, kwathi isilinganiso sesithathu sayekelwa siphila. Ngakho amaMowabi abuswa nguDavida athela imithelo kuye.

2 USamuyeli 8:2 ပူးပေါင်းရင်းမြစ်များ

2 USamuyeli 12:31

Wathatha labantu ababephakathi kwawo, wabasebenzisa ngamasaha, langamapiki, langamahloka ensimbi, basebenza emahondweni ezitina; wenza njalo kuyo yonke imizi yamaAmoni. UDavida labo bonke abantu babuyela eJerusalema.

2 USamuyeli 8:6

Wasebeka amabutho okulinda eAramu elaseDamaseko, amaSiriya aba zinceku zakhe, athela kuye. INkosi yamnika uDavida ukunqoba endaweni zonke aya kizo.

1 AmaKhosi 4:21

USolomoni wabusa yonke imibuso kusukela emfuleni iYufrathi kuze kufike elizweni lamaFilistiya lasemingceleni yaseGibithe, yathela kuye, yamsebenzela zonke insuku zokuphila kwakhe.

2 AmaKhosi 1:1

Emva kokufa kukaAhabi iMowabi lavukela uIsrayeli.

2 AmaKhosi 17:3

Wahlaselwa nguShalimaneseri inkosi yaseAsiriya, uHosheya wathela kuye.

1 ImiLando 18:2

Wanqoba lamaMowabi, aba yizinceku zakhe, athela kuye.

2 ImiLando 26:8

AmaAmoni athela kuUziya, udumo lwakhe lwanda lwaze lwafinyelela emngceleni waseGibithe, ngoba waba lamandla kakhulu.

AmaHubo 108:9

UMowabi ungumganu wami wokugezela, phezu kukaEdoma ngiphosela amanyathelo ami, ngithabe ngokunqoba iFilistiya.

AmaHubo 18:45

Abezizweni bethuka, baphuma ezinqabeni zabo bethuthumela.

AmaHubo 60:10

Wena, Nkulunkulu, kawusilahlanga na? Nkulunkulu, kawusaphumi lezimpi zethu.

AmaHubo 60:8

UMowabi ungumganu wami wokugezela, phezu kukaEdoma ngiphosela amanyathelo ami, ngithabe ngokunqoba iFilistiya.

AmaHubo 83:6

abantu bakoEdoma labakoIshmayeli, labakaMowabi, lamaHagari,

U-Isaya 36:16

Lingamlaleli uHezekiya, ngoba inkosi yaseAsiriya ithi: Yenzani isivumelwano sokuthula lami, liphume lize kimi; lonke lizazidlela izithelo zamavini enu, lezithelo zemikhiwa yenu, lizinathele amanzi emithombo yenu,

AmaNani 24:17

Lona lithi: Ngiyambona, kodwa kungekhathesi, ngiyambona, kodwa kungeseduze; inkanyezi izakuvela kuJakobe, lentonga yobukhosi izakuvuka koIsrayeli, ichoboze ikhanda likaMowabi, lenkakhayi zawo wonke amadodana kaShethi.

1 USamuyeli 10:27

Kodwa amadoda amabi athi: Uzasisiza njani lumuntu na? Bamdelela, kabamnikanga sipho; kodwa yena wazithulela.

1 USamuyeli 14:47

Lapho uSawuli esebusa koIsraeli, walwa lezitha zakhe zonke inxa zonke, walwa lamaMowabi, lamaAmoni, lamaEdoma, lamakhosi aseZoba, lamaFilistiya; loba kungaphi lapho aphendukela khona wanqoba.

1 USamuyeli 22:3

UDavida wasuka lapho waya eMizipa kwelaseMowabi; wathi enkosini yaseMowabi: Ngiyacela ukuba ubaba lomama bake bazehlala kini, ngize ngazi ukuthi uNkulunkulu uzangenzelani.

1 USamuyeli 22:4

Wabatshiya abazali bakhe enkosini yaseMowabi, bahlala layo sonke isikhathi uDavida esobhalwini.