2 USamuyeli 7:2 - iBhayibhili Elingcwele 1978

² yathi kuNathani umprofethi: Akuboneke, mina ngihlala endlini yemikusu, kodwa umtshokotsho kaNkulunkulu uhlala ethenteni.

IBhayibhili Elingcwele LesiNdebele

² yathi kuNathani umphrofethi, “Mina ngilapha, ngihlala esigodlweni semsedari, kodwa ibhokisi lesivumelwano sikaNkulunkulu lilokhu lihlala ethenteni.”

2 USamuyeli 7:2 ပူးပေါင်းရင်းမြစ်များ

2 USamuyeli 11:11

U‐Uriya wathi kuDavida: Umtshokotsho wesivumelwano, loIsrayeli, loJuda bahlala emadumbeni; inkosi yami uJowabi lenceku zenkosi yami bamisile emmangweni; minake ngizakuya endlini yami, ngidle, nginathe, ngilale lomkami na? Ngifunga wena, kangiyikuyenza leyonto.

2 USamuyeli 12:1

INkosi yasithuma uNathani umprofethi kuDavida. Wafika wathi kuye: Kwakukhona amadoda amabili emzini othile, enye yayinothile, enye yayingumyanga.

2 USamuyeli 5:11

UHiramu inkosi yaseTire wathuma izithunywa kuDavida, lemikusu, lababazi bezigodo labamatshe ukumakhela uDavida indlu.

2 USamuyeli 6:17

Bawuletha umtshokotsho weNkosi, bawubeka endaweni yawo phakathi kwethente uDavida ayelimisele wona; uDavida wasenikela iminikelo yokutshiswa leminikelo yokuthula phambi kweNkosi.

2 USamuyeli 7:17

UNathani wamtshela uDavida konke lokho ayekutsheliwe, lakho konke ayekutshengisiwe.

1 AmaKhosi 1:22

Kwathi lapho esakhuluma lenkosi, kwafika uNathani umprofethi.

1 AmaKhosi 1:8

Kodwa uZadoki umpristi, loBenaya indodana kaJehoyada, loNathani umprofethi, loShimeyi loReyi, lamaqhawe kaDavida kabamlandelanga uAdonija.

1 AmaKhosi 4:5

uAzariya indodana kaNathani wayeyinduna yababusi; uZabudi indodana kaNathani wayengumngane wenkosi:

1 AmaKhosi 8:17

Kwakuyisifiso sikababa uDavida ukwakhela iNkosi, uNkulunkulu kaIsrayeli, indlu.

1 ImiLando 14:1

UHiramu inkosi yaseTire wathuma izithunywa kuDavida, lemikusu, lababazi bamatshe labezigodo ukumakhela uDavida indlu.

1 ImiLando 16:1

Bawuletha umtshokotsho kaNkulunkulu, bawubeka phakathi kwethente uDavida ayelilungisele wona; banikela iminikelo yokutshiswa leminikelo yokuthula phambi kukaNkulunkulu.

1 ImiLando 22:7

Wathi kuSolomoni: Mntanami, ngangizimisele ukwakhela ibizo leNkosi uNkulunkulu kaIsrayeli indlu.

1 ImiLando 29:29

Izenzo zenkosi uDavida ezokuqala lezokucina zilotshiwe engwalweni zezindaba zikaSamuweli umboni lengwalweni zezindaba zikaNathani umprofethi lengwalweni zezindaba zikaGadi umboni,

2 ImiLando 1:4

— Kodwa uDavida wathatha umtshokotsho kaNkulunkulu eKiriyathiJeyarimi, wawuletha endaweni ayeyilungisele wona, ngoba wayewumisele ithente eJerusalema —

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

2 ImiLando 9:29

Ezinye izenzo zikaSolomoni, kusukela ekuqaleni kuze kube sekucineni, zilotshiwe ezindabeni zomlando kaNathani umprofethi, lakusiprofethi sikaAhija waseShiloni, lasemibonweni kaIdo umboni emayelana loJerobowamu indodana kaNebati.

AmaHubo 132:2

ukuthi wafunga eNkosini, wenza isithembiso kuSomandla kaJakobe,

AmaHubo 132:5

ngize ngiyizuzele indawo iNkosi, indawo yokuhlala uSomandla kaJakobe.

U-Eksodasi 40:21

Wangenisa umtshokotsho eTabernakelini, wamisa iveli elilikhetheni ukuba asithe umtshokotsho wobufakazi, njengokutsho kweNkosi kuye.

UHagayi 1:4

lisithi: Kuyisikhathi yini sokuba lina lihlale ezindlini zenu ezinhle, kanti lindlu ilunxiwa na?

UJohane 2:17

Abafundi bakhe bakhumbula ukuba kulotshiwe ukuthi: Ukutshisekela indlu yakho kuyangidla.

Imisebenzi 7:46

Yena wafumana umusa emehlweni kaNkulunkulu, wacela ukuzuzela uNkulunkulu kaJakobe idumba.