2 USamuyeli 7:16 - iBhayibhili Elingcwele 1978

¹⁶ Indlu yakho lombuso wakho kuzaqiniswa njalonjalo phambi kwami; lesihlalo sakho sobukhosi simiswe kuze kube nininini.

IBhayibhili Elingcwele LesiNdebele

¹⁶ Indlu yakho lombuso wakho kuzaqina nini lanini phambi kwami; isihlalo sakho sobukhosi sizakuma kuze kube nininini.’ ”

2 USamuyeli 7:16 ပူးပေါင်းရင်းမြစ်များ

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

2 USamuyeli 22:51

Uyanika inkosi yakhe ukunqoba okukhulu, ebonakalisa uthando lwakhe olungapheliyo kogcotshiweyo wakhe uDavida, lenzalweni yakhe kuze kube nini lanini.

2 USamuyeli 7:13

Yena uzakwakhela ibizo lami indlu; ngizaqinisa isihlalo sobukhosi sombuso wakhe kuze kube nininini.

2 USamuyeli 7:17

UNathani wamtshela uDavida konke lokho ayekutsheliwe, lakho konke ayekutshengisiwe.

1 AmaKhosi 2:4

ukuze iNkosi iqinise ilizwi layo eyalikhuluma mayelana lami isithi: Uba amadodana akho eqaphelisa indlela zawo, ehamba ngobuqotho phambi kwami ngenhliziyo yonke langomoya wonke, kawuyikuswela muntu wokubusa uIsrayeli.

1 AmaKhosi 9:5

ngizaqinisa umbuso wakho koIsrayeli kuze kube nininini njengokuthembisa kwami kuDavida uyihlo ngisithi: Kawuyikuswela muntu ozabusa uIsrayeli.

2 AmaKhosi 19:34

Ngizawuvikela lumuzi ngiwusize, ngenxa yami langenxa yenceku yami uDavida.

2 AmaKhosi 8:19

Kodwa iNkosi kayimchithanga uJuda ngenxa kaDavida inceku yayo, lokhu yayimthembise ukumnika uzwathi yena lamadodana akhe kuze kube nini lanini.

2 ImiLando 6:16

Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami, ehamba ngomlayo wami njengawe.

UJobe 36:7

kamamuki ilungelo lakhe ohluphekayo. Ake ukhangele amakhosi ezihlalweni zawo zobukhosi, lapho uNkulunkulu ewanika amandla, ayazikhukhumeza.

AmaHubo 45:6

Isihlalo sakho sobukhosi osinikwe nguNkulunkulu simi kuze kube nininini, lentonga yakho yobukhosi iyintonga yokulunga.

AmaHubo 72:5

Kayihlale njalo lisekhona ilanga, kusekhona lenyanga, kuzo zonke izizukulwana.

AmaHubo 89:4

ngathi: Ngizakuqinisa inzalo yakho kuze kube nininini, ngimise isihlalo sakho sobukhosi ezizukulwaneni zonke.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UJeremiya 17:25

kuzangena ngamasango alumuzi amakhosi ahlala esihlalweni sobukhosi sikaDavida, ekhwele inqola zokulwa, egade amabhiza, wona lezikhulu zawo, labantu bakoJuda, labakhileyo eJerusalema; bahlale kulumuzi kuze kube nininini.

UJeremiya 33:17

Ngoba iNkosi ithi: UDavida kayikuswela umuntu wokuhlala esihlalweni sobukhosi sendlu kaIsrayeli,

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UMatewu 16:18

Lamike ngithi kuwe: Wena unguPetro okuyikuthi Dwala; phezu kwalelidwala ngizakulakha ibandla lami; amasango endawo yabafileyo kawayikulahlula.

UJohane 12:34

Ngakho ixuku lamphendula lathi: Sizwile emlayweni ukuthi uKristu uhlala kokuphela; ungatsho kanjani ukuthi iNdodana yomuntu imele ukuphakanyiswa na? Ingubani iNdodana yomuntu na?

AmaHebheru 1:8

Kodwa ngeNdodana uthi: Isihlalo sakho sobukhosi, Nkulunkulu, simi kuze kube nininini, intonga yokulunga iyintonga yombuso wakho.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

1 USamuyeli 25:28

Akuthethelele icala lencekukazi yakho; ngoba iNkosi uNkulunkulu izamisa inzalo yakho kokuphela, lokhu ulwa izimpi zeNkosi. Kawuyikwehlelwa yibubi zonke insuku zokuphila kwakho.