2 USamuyeli 5:12 - iBhayibhili Elingcwele 1978

¹² UDavida wabona ukuthi iNkosi yayimmisile ukuba abe yinkosi koIsrayeli, lokuthi uwuphakamisile umbuso wakhe ngenxa yabantu bayo uIsrayeli.

IBhayibhili Elingcwele LesiNdebele

¹² UDavida wakwazi ukuthi uThixo wayembekile ukuba abe yinkosi yako-Israyeli wawuphakamisa lombuso wakhe ngenxa yabantu bakhe u-Israyeli.

2 USamuyeli 5:12 ပူးပေါင်းရင်းမြစ်များ

2 USamuyeli 5:11

UHiramu inkosi yaseTire wathuma izithunywa kuDavida, lemikusu, lababazi bezigodo labamatshe ukumakhela uDavida indlu.

2 USamuyeli 5:13

UDavida wathatha abanye abafazi eJerusalema, esesukile eHebroni, wazala amanye amadodana lamadodakazi.

2 USamuyeli 7:16

Indlu yakho lombuso wakho kuzaqiniswa njalonjalo phambi kwami; lesihlalo sakho sobukhosi simiswe kuze kube nininini.

1 AmaKhosi 10:9

Kayibongwe iNkosi uNkulunkulu wakho ekuthandileyo, yakubeka ukuba ubuse uIsrayeli. Ngoba iyamthanda uIsrayeli kokuphela, ikubekile waba yinkosi ukuze ubuse ngomthetho langokulunga.

1 ImiLando 14:2

UDavida wabona ukuthi iNkosi yayimmisile ukuba abe yinkosi koIsrayeli, lokuthi iwuphakamisile umbuso wakhe ngenxa yabantu bayo uIsrayeli.

2 ImiLando 2:11

UHuramu inkosi yaseTire waphendula ngencwadi ayithumela kuSolomoni wathi: Ngoba iNkosi uNkulunkulu ibathanda abantu bayo, ikwenzile waba yinkosi yabo.

U-Esta 4:14

Uba ungakhulumi ngalesikhathi esinje, ukusizwa lokukhululwa kwabaJuda kuzavela kwenye indawo, kodwa wena lendlu kayihlo lizakubhubha. Ngubani kambe owaziyo ukuthi kawubanga khona embusweni ngenxa yalesisikhathi esinje na?

UDanyeli 2:30

Minake, kungesikho ukuthi ngihlakaniphile ukwedlula bonke abaphilayo ngiyambulelwe limfihlakalo, kodwa ukuze incazelo itshengiswe wena nkosi, ukuba wazi imicabango yengqondo yakho.

AmaNani 24:7

Amanzi azakugeleza evela embizeni zakhe, inhlanyelo yakhe ibe semanzini amanengi; inkosi yakhe izakuba nkulu kuloAgagi, lombuso wakhe uphakame.