2 USamuyeli 5:10 - iBhayibhili Elingcwele 1978

¹⁰ UDavida waqhubeka njalo esiba lamandla, ngoba iNkosi, uNkulunkulu wamabandla, yayilaye.

IBhayibhili Elingcwele LesiNdebele

¹⁰ Waqhubeka njalo esiba lamandla ngoba uThixo uNkulunkulu uSomandla wayelaye.

2 USamuyeli 5:10 ပူးပေါင်းရင်းမြစ်များ

UGenesisi 21:22

Kwathi ngalesosikhathi uAbimeleki loFikoli, induna yempi yakhe, bakhuluma loAbrahama bathi: UNkulunkulu ulawe kukho konke okwenzayo.

2 USamuyeli 3:1

Kwakukhona ukulwa isikhathi eside phakathi kwendlu kaSawuli lendlu kaDavida; uDavida waya eqina, kodwa indlu kaSawuli yaya isiba buthakathaka.

2 USamuyeli 7:9

ngaba lawe lapho uya khona, ngachitha zonke izitha zakho ngaphambi kwakho; ngizakwenzela ibizo elikhulu phakathi kwabakhulu basemhlabeni.

2 USamuyeli 8:14

wabeka amabutho okulinda eEdoma lonke, labo bonke abaseEdoma baba zinceku zikaDavida. INkosi yamnika uDavida ukunqoba endaweni zonke aya kizo.

2 USamuyeli 8:6

Wasebeka amabutho okulinda eAramu elaseDamaseko, amaSiriya aba zinceku zakhe, athela kuye. INkosi yamnika uDavida ukunqoba endaweni zonke aya kizo.

UJobe 17:9

Kanti olungileyo ubambelela endleleni yakhe, lolezandla ezimhlophe uyaqina njalo.

AmaHubo 24:10

Ingubani liNkosi yobukhosi na? INkosi yamabandla, yiyo eyiNkosi yobukhosi.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

Izaga 4:18

Indlela yabalungileyo injengovivi lokusa oluqhubeka ngokukhanya njalo kuze kube semini;

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UHagayi 2:4

Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,

ULukha 2:52

UJesu waqhubeka ekuhlakanipheni, lasekukhuleni, lasekuthandweni nguNkulunkulu langabantu.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

1 USamuyeli 18:12

USawuli wayemesaba uDavida ngoba iNkosi yayilaye, kodwa yayisisukile kuSawuli.

1 USamuyeli 18:14

UDavida waphumelela kukho konke ayekwenza, ngoba iNkosi yayilaye.

1 USamuyeli 18:5

UDavida waphuma, waphumelela kuzo zonke indawo lapho uSawuli amthuma khona, uSawuli waze wambeka waba yinduna yempi. Lokhu kwaba kuhle ebantwini bonke lezincekwini zikaSawuli.