2 USamuyeli 3:12 - iBhayibhili Elingcwele 1978

¹² UAbineri wasethuma izithunywa kuDavida eHebroni, esithi: Ngelikabani ilizwe na? Yenza isivumelwano lami, ngizakukusiza ukubuyisela wonke uIsrayeli kuwe.

IBhayibhili Elingcwele LesiNdebele

¹² Emva kwalokho u-Abhineri wathuma izithunywa zimele yena ukuba ziyekuthi kuDavida, “Kanti ilizwe ngelikabani na? Yenza isivumelwano lami, mina ngizakusiza ekuletheni u-Israyeli wonke kuwe.”

2 USamuyeli 3:12 ပူးပေါင်းရင်းမြစ်များ

2 USamuyeli 19:14

Wazehlula inhliziyo zabantu bonke bakoJuda, basebethuma ilizwi enkosini besithi: Buya wena lazo zonke inceku zakho.

2 USamuyeli 19:41

Basebesiza bonke abantu bakoIsrayeli enkosini bathi kuyo: Abafowethu abakoJuda bakuntshontsheleni, bachaphisa inkosi lendlu yayo iJordani kanye labo bonke abantu bakaDavida na?

2 USamuyeli 19:6

Uyabathanda abakuzondayo, uzonde abakuthandayo. Ngoba ukuveze obala lamuhla ukuthi induna zempi lenceku kazisilutho kuwe; ngoba ngiyabona lamuhla ukuthi uba uAbisalomu ubesaphila, thina sonke besifile lamuhla, ube uzathokoza.

2 USamuyeli 3:11

UIshiboshethi wayengelakumphendula uAbineri ngelinye ilizwi futhi, ngoba wayemesaba.

2 USamuyeli 3:13

UDavida wathi: Kulungile; ngizakwenza isivumelwano lawe, kodwa yinye into engiyifuna kuwe, ngeyokuthi kawuyikubonana lami, uba ungalethi kuqala uMikhali indodakazi kaSawuli, lapho usiza ukubonana lami.

2 USamuyeli 3:21

UAbineri wasesithi kuDavida: Sengihamba, ngibuthanise wonke uIsrayeli kuwe, nkosi yami, ukuba benze isivumelwano lawe, ukuba ubuse kukho konke okufiswa yinhliziyo yakho. UDavida wasemvumela uAbineri ukuba ahambe, wazihambela kuhle.

2 USamuyeli 3:27

UAbineri esebuyile eHebroni, uJowabi waya laye eceleni ngasesangweni ukuba bakhulume bebodwa; wasemgwaza esiswini, wafa, ephindisela uAsaheli umfowabo.

2 USamuyeli 3:38

Inkosi yathi encekwini zayo: Kalazi yini ukuthi kufile iqhawe lomuntu omkhulu koIsrayeli lamuhla na?

AmaHubo 62:9

Abantukazana bangumoya nje, lezikhulu ziyinkohliso; lapho belinganiswa bafunyaniswa belula; loba bebonke balula kulomoya.