2 USamuyeli 3:10 - iBhayibhili Elingcwele 1978

¹⁰ ukususa umbuso endlini kaSawuli, kumiswe isihlalo sobukhosi sikaDavida koIsrayeli lakoJuda, kusukela koDani kuze kufike eBerisheba.

IBhayibhili Elingcwele LesiNdebele

¹⁰ ngisuse umbuso endlini kaSawuli ngimise isihlalo sobukhosi sikaDavida ko-Israyeli lakoJuda kusukela koDani kusiyafika eBherishebha.”

2 USamuyeli 3:10 ပူးပေါင်းရင်းမြစ်များ

2 USamuyeli 17:11

Kodwa mina ngithi wonke uIsrayeli kabuthane kuwe kusukela koDani kuze kufike eBerisheba, babe ngangetshebetshebe elisolwandle ubunengi babo, wena ubususiya labo empini.

2 USamuyeli 24:2

Ngakho inkosi uDavida yathi kuJowabi lakubaphathi bempi ababelaye: Hambani ezizweni zonke zakoIsrayeli, kusukela koDani kuze kube seBerisheba, libale abantu ukuba ngazi ukuthi banganani.

2 USamuyeli 3:11

UIshiboshethi wayengelakumphendula uAbineri ngelinye ilizwi futhi, ngoba wayemesaba.

2 USamuyeli 3:21

UAbineri wasesithi kuDavida: Sengihamba, ngibuthanise wonke uIsrayeli kuwe, nkosi yami, ukuba benze isivumelwano lawe, ukuba ubuse kukho konke okufiswa yinhliziyo yakho. UDavida wasemvumela uAbineri ukuba ahambe, wazihambela kuhle.

1 AmaKhosi 4:25

AbakoJuda labakoIsrayeli babevikelekile kusukela koDani kuze kufike eBerisheba, bonke babezihlalela ngaphansi kwezihlahla zabo zevini langaphansi kwezomkhiwa kuzo zonke insuku zokubusa kukaSolomoni.

Abahluleli 20:1

Bonke abakoIsrayeli baphuma kusukela eDani kusiya eBerisheba kanye lelizwe leGileyadi, ibandla lonke labuthana njengamuntu munye eNkosini eMizipa.

1 USamuyeli 15:28

USamuweli wasesithi kuye: INkosi iwudabule kuwe lamuhla umbuso wakoIsrayeli, yawunika umakhelwana wakho ongumuntu ongcono kulawe.

1 USamuyeli 28:17

INkosi isikwenzile kuwe lokho eyakutsho ngami; ikuhluthunele umbuso, yawunika omunye umuntu, uDavida.

1 USamuyeli 3:20

Wonke uIsrayeli kusukela koDani kuze kube seBerisheba wazi ukuba uSamuweli umisiwe ukuba abe ngumprofethi weNkosi.