2 USamuyeli 2:23 - iBhayibhili Elingcwele 1978

²³ Kodwa yena wala ukumyekela; ngakho uAbineri wasemgwaza esiswini ngesidindi somkhonto wakhe, umkhonto waze wayathutsha emhlana wakhe; wawela phansi khona lapho, wafela khona. Kwathi bonke abafika endaweni lapho uAsaheli ayefele khona, bema.

IBhayibhili Elingcwele LesiNdebele

²³ Kodwa u-Asaheli wala ukuyekela ukuxotshana laye; ngakho u-Abhineri wamgwaza esiswini ngomcijo womkhonto wakhe, umkhonto waze wayathutsha emhlane wakhe. Wawela khonapho, wafela khonapho. Amadoda afika ema nxa efika endaweni lapho u-Asaheli ayewe wafela kuyo.

2 USamuyeli 2:23 ပူးပေါင်းရင်းမြစ်များ

2 USamuyeli 2:24

Kodwa uJowabi loAbishayi baxotshana laye uAbineri; ilanga labatshonela befika oqaqeni lwaseAma, olungaphambi kwaseGiya endleleni yasenkangala yaseGibeyoni.

2 USamuyeli 20:10

Kodwa uAmasa wayengawuboni umhedla owawuphethwe nguJowabi; uJowabi wasemgwaza ngawo emzimbeni, wathululela phansi imibilini yakhe, wafa engamphindanga. UJowabi loAbishayi umfowabo baxotshana loSheba indodana kaBikiri.

2 USamuyeli 3:27

UAbineri esebuyile eHebroni, uJowabi waya laye eceleni ngasesangweni ukuba bakhulume bebodwa; wasemgwaza esiswini, wafa, ephindisela uAsaheli umfowabo.

2 USamuyeli 3:30

UJowabi loAbishayi umfowabo bambulala uAbineri, ngoba wayebulele umfowabo uAsaheli empini, eGibeyoni.

2 USamuyeli 4:6

Owesifazana olinda umnyango wendlu wayekade esela amabele, wasewozela elala; ngakho uRekabi loBahana umfowabo bangena phakathi.

2 USamuyeli 5:6

Inkosi uDavida labantu bayo baya eJerusalema ukulwa lamaJebusi ayehlala khona; wona atsho kuDavida athi: Kawuyikungena lapha, uzaxotshwa layiziphofu labaqhulayo; ecabanga ukuba uDavida angeke angene lapho.