2 USamuyeli 18:9 - iBhayibhili Elingcwele 1978

⁹ UAbisalomu wahlangana lenceku zikaDavida. Wayegade imbongolo; kwathi isedlula ngaphansi kwengatsha zesihlahla esikhulu, ikhanda lakhe labanjwa zingatsha; imbongolo yadlula, yena wasala elenga emoyeni.

IBhayibhili Elingcwele LesiNdebele

⁹ Kwenzakala nje ukuthi u-Abhisalomu ahlangane labantu bakaDavida. Wayegade imbongolo yakhe, kwasekusithi imbongolo idlula ngaphansi kwezingatsha ezenileyo zesihlahla esikhulu somʼOkhi, ikhanda lika-Abhisalomu labanjwa esihlahleni. Wasala elenga emoyeni, imbongolo ayeyigadile ilokhu ihamba.

2 USamuyeli 18:9 ပူးပေါင်းရင်းမြစ်များ

2 USamuyeli 13:29

Inceku zikaAbisalomu zenza kuAmnoni njengoba ayezilayile. Amadodana wonke enkosi asesuka, egada imbongolo zawo ebaleka.

2 USamuyeli 14:26

Nxa egela inwele zakhe — ngoba wayezigela iminyaka yonke, ngoba zazimsinda ngobunzima bazo — zazilingana lamashekeli angamakhulu amabili ngesilinganiso senkosi.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

2 USamuyeli 18:10

Umuntu othile wambona, watshela uJowabi wathi: Ngibone uAbisalomu elenga esihlahleni esikhulu.

2 USamuyeli 18:14

UJowabi wasesithi: Kangiyikuchitha isikhathi ngokunjalo lawe. Wasethatha imikhonto emithathu, wamhlaba uAbisalomu enhliziyweni esezwa esabanjiwe yisihlahla esikhulu.

2 USamuyeli 18:8

Impi yahlakazekela elizweni lonke, igusu laqeda abantu abanengi ngalolosuku ukwedlula umkhonto.

UJobe 31:3

Izinhlupheko kazimehleli omubi, lengozi kayibehleli abenza okubi na?

Izaga 20:20

Uba umuntu ethuka uyise loba unina, ukukhanya kwakhe kuzakucitshwa.

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

UJeremiya 48:44

Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

UMatewu 27:5

Wasephosela inhlamvu zesiliva ethempelini, wasuka, wayaziphanyeka.

UMakho 7:10

Ngoba uMose wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa;

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

UDutheronomi 21:23

isidumbu sakhe singahlali esihlahleni ubusuku bonke, kodwa lizamlahla ngalona lolosuku, ngoba umuntu ophanyekiweyo uqalekisiwe nguNkulunkulu. Lingangcolisi ilizwe lenu iNkosi uNkulunkulu wenu elinika lona ukuba ngelenu.

UDutheronomi 27:16

Kaqalekiswe odumaza uyise lonina. Bonke abantu bazakuthi: Ameni.

UDutheronomi 27:20

Kaqalekiswe olala lomkayise, ngoba embule umkayise. Bonke abantu bazakuthi: Ameni.