2 USamuyeli 18:5 - iBhayibhili Elingcwele 1978

⁵ Inkosi yabalaya oJowabi loAbishayi loIthayi, yathi: Aliboliphatha kuhle ijaha uAbisalomu ngenxa yami. Bonke abantu bezwa lapho inkosi ilaya zonke izinduna ngoAbisalomu.

IBhayibhili Elingcwele LesiNdebele

⁵ Inkosi yalaya uJowabi, lo-Abhishayi kanye lo-Ithayi yathi, “Libe lesisa ejaheni u-Abhisalomu ngenxa yami.” Amabutho wonke ayizwa inkosi ilaya umlawuli ngamunye ngo-Abhisalomu.

2 USamuyeli 18:5 ပူးပေါင်းရင်းမြစ်များ

ULukha 23:34

UJesu wasesithi: Baba, bathethelele, ngoba kabakwazi abakwenzayo. Babelana ingubo zakhe, benza inkatho ngazo.

AmaHubo 103:13

Njengoyise ehawukela abantwana bakhe, ngokunjaloke iNkosi iyabahawukela bona abayesabayo.

2 USamuyeli 18:12

Kodwa lowomuntu wathi kuJowabi: Loba bengizanikwa inhlamvu eziyinkulungwane zesiliva, bengingayikusiphakamisela isandla sami endodaneni yenkosi, ngoba inkosi yakulaya wena loAbishayi loIthayi sisizwa yathi: Lilondolozeni ijaha uAbisalomu ngenxa yami.

2 USamuyeli 17:14

UAbisalomu labo bonke abantu bakoIsrayeli bathi: Ukweluleka kukaHushayi waseArki kungcono kulokukaAhithofeli. Ngoba iNkosi uNkulunkulu yayimisile ukuba kudilizwe ukweluleka okuhle kukaAhithofeli ukuze imehlisele okubi uAbisalomu.

2 USamuyeli 16:11

UDavida wasesithi kuAbishayi lakuzo zonke inceku zakhe: Eyami indodana uqobo ifuna ukungibulala; phoke, kuzakuba njani ngalo owakoBenjamini na? Myekeleni athuke, ngoba iNkosi uNkulunkulu imlayile ukuba akwenze lokhu.

2 USamuyeli 19:1

Kwabikwa kuJowabi kwathiwa: Inkosi uDavida iyakhala, ililela uAbisalomu.