2 USamuyeli 18:3 - iBhayibhili Elingcwele 1978

³ Kodwa abantu bathi: Kawuyikuphuma. Ngoba uba sibaleka, kabayikuba landaba lathi; loba kusifa ingxenye yethu, kabayikuba landaba. Kanti wena ulingana lenkulungwane ezilitshumi zethu; ngakho kuhle usisize uphakathi komuzi.

IBhayibhili Elingcwele LesiNdebele

³ Kodwa abantu bathi, “Akumelanga uphume; nxa sizancindezeleka ukuba sibaleke, kabayikuzihlupha ngathi. Lanxa kungaze kufe ingxenye yethu, kabayikuzihlupha; kodwa wena ulingana labethu abazinkulungwane ezilitshumi. Kungabangcono khathesi ukuba usisekele usedolobheni.”

2 USamuyeli 18:3 ပူးပေါင်းရင်းမြစ်များ

2 USamuyeli 10:11

UJowabi wathi kuye: Uba amaSiriya engahlula, uzengisiza; uba amaAmoni ekwahlula, ngizakuza ukukusiza.

2 USamuyeli 17:2

Ngizamfica ekhathele, ebuthakathaka, ngimethuse; bonke abantu abalaye bazabaleka; ngizabulala inkosi kuphela.

2 USamuyeli 21:17

Kodwa uAbishayi indodana kaZeruya wamlamulela, wamtshaya umFilistiya wambulala. Abantu bakaDavida basebefunga kuye besithi: Kawusayikuphuma impi lathi, funa ucime isibane sikaIsrayeli.

1 AmaKhosi 22:31

Inkosi yaseSiriya yayilayile izinduna zenqola zayo zokulwa ezingamatshumi amathathu lambili, yathi: Lingalwi lamuntu, lilwe lenkosi yakoIsrayeli kuphela.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

1 USamuyeli 18:7

Abesifazana labo bajabula bahlabela besithi: USawuli ubulele izinkulungwane, kodwa uDavida ubulele inkulungwane ezingamatshumi.