2 USamuyeli 16:4 - iBhayibhili Elingcwele 1978

⁴ Inkosi yasisithi kuZiba: Khangela, konke obekungokukaMefiboshethi sekungokwakho. UZiba wasesithi: Ngiyakhuleka; kangifumane umusa kuwe kokuphela, nkosi yami.

IBhayibhili Elingcwele LesiNdebele

⁴ Inkosi yasisithi kuZibha, “Konke okwakungokuka Mefibhoshethi khathesi sekungokwakho.” UZibha wathi, “Ngikhothama ngokuzithoba. Sengathi ngingathola umusa emehlweni akho mhlekazi wami, nkosi.”

2 USamuyeli 16:4 ပူးပေါင်းရင်းမြစ်များ

2 USamuyeli 14:22

UJowabi wasesithi mbo ngobuso phansi, wakhuleka, wayibusisa inkosi, wasesithi: Lamuhla ngiyazi ukuba ngifumene umusa emehlweni akho, nkosi yami, ngoba inkosi isizwile isicelo sami.

2 USamuyeli 14:4

Lapho owesifazana efika enkosini, wathi mbo ngobuso phansi, wakhuleka, wasesithi: Siza, nkosi!

2 USamuyeli 14:8

Inkosi yasisithi kowesifazana: Hamba endlini yakho; mina ngizalungisa indaba yakho.

2 USamuyeli 16:3

Inkosi yasisithi: Ungaphi umzukulu wenkosi yakho na? UZiba wathi enkosini: Usele eJerusalema, ngoba uthe: Lamuhla uIsrayeli uzabuyisela kimi umbuso kababamkhulu.

2 USamuyeli 16:5

Kwathi lapho inkosi uDavida efika eBahurimi, kwaphuma khona umuntu wosendo lwendlu kaSawuli, ibizo lakhe linguShimeyi indodana kaGera; weza ehamba ethuka.

2 USamuyeli 19:27

Ingihlebile kuwe, nkosi yami; kodwa, nkosi yami, unjengesithunywa sikaNkulunkulu; ngakho yenza okubona kufanele.

2 USamuyeli 9:6

UMefiboshethi indodana kaJonathani kaSawuli wafika kuDavida, wathi mbo ngobuso, wakhuleka. UDavida wathi: Mefiboshethi! Yena waphendula wathi: Ikhona inceku yakho.

2 USamuyeli 9:9

Inkosi yasibiza uZiba, inceku kaSawuli, yathi kuye: Konke okwakungokukaSawuli, lendlu yakhe yonke ngikunike indodana yenkosi yakho.

U-Eksodasi 23:8

Kawuyikwamukela isiphiwo, ngoba isiphiwo siphumputhekisa ababonayo, sonakalise indaba yabalungileyo.

Izaga 18:13

Uba umuntu ephendula engakezwa, uyisithutha, futhi uyazigcona.

Izaga 18:17

Ekuthetheni icala okhuluma kuqala ubonakala angathi ulungile, kuze kufike omunye ukumbuzisisa.

Izaga 19:2

Ukutshiseka okungelakwazi kakulunganga; owalazelayo uzakuduha.

UDutheronomi 19:15

Ufakazi oyedwa nje angafakazi ngomuntu olecala loba olesono asenzileyo; kodwa indaba ingaqiniswa ngamazwi abofakazi ababili, loba abathathu.