2 USamuyeli 11:8 - iBhayibhili Elingcwele 1978

⁸ UDavida wasesithi kuUriya: Yana endlini yakho, ugeze inyawo zakho. Wasephuma endlini yenkosi uUriya, walandelwa yisipho esivela enkosini.

IBhayibhili Elingcwele LesiNdebele

⁸ UDavida wasesithi ku-Uriya, “Yehlela endlini yakho ugeze inyawo zakho.” Ngakho u-Uriya wasuka esigodlweni, walandelwa yisipho esavela enkosini esasala sithunyelwa kuye.

2 USamuyeli 11:8 ပူးပေါင်းရင်းမြစ်များ

UGenesisi 18:4

Ke ngilethe amanzi ligeze inyawo zenu, liphumule ngaphansi kwesihlahla.

UGenesisi 19:2

wathi: Makhosi, wozani lingene endlini yenceku yenu, lihlale khona ubusuku bonke, ligeze inyawo zenu; ekuseni kakhulu lizakusuka, lihambe indlela yenu. Zathi: Atshi, kodwa sizahlala phandle.

UGenesisi 43:24

Umphathi wasewangenisa amadoda endlini kaJosefa, wawanika amanzi; ageza inyawo zawo; wanika obabhemi bawo ukudla.

UGenesisi 43:34

UJosefa wababela ekudleni okwakuphambi kwakhe; kodwa isabelo sikaBenjamini saphindwa kahlanu silinganiswa lesabelo sabanye. Banatha bajabula laye.

AmaHubo 12:2

Yilowo lalowo ukhuluma amanga lomakhelwana wakhe; bayakhohlisa ngomlomo, bakhuluma nganhliziyombili.

AmaHubo 44:21

uNkulunkulu ubengayikukubona lokhu na? Ngoba uyayazi imfihlo yenhliziyo.

AmaHubo 55:21

Ukukhuluma kwakhe kubutshelezi kulolaza, kanti inhliziyo yakhe ithanda ukulwa; amazwi akhe abuthakathaka kulamagcobo, kanti anjengomkhonto obukhali.

U-Isaya 29:15

Maye kulabo abafihlela iNkosi amacebo abo, ebenza imisebenzi yabo emnyameni besithi: Ngubani osibonayo na? Ngubani osaziyo na?

ULukha 12:2

Kakukho okumbomboziweyo okungayikwambulwa, lokufihliweyo okungayikwaziwa;

ULukha 7:44

Wasephendukela kowesifazana wathi kuSimoni: Uyambona lowesifazana na? Ngingene endlini yakho, kawunginikanga amanzi okugeza inyawo, kodwa yena uzithambisile inyawo zami ngenyembezi zakhe, wazesula ngenwele zakhe.

AmaHebheru 4:13

Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.