2 USamuyeli 10:8 - iBhayibhili Elingcwele 1978

⁸ AmaAmoni aphuma amisa impi ngasesangweni lomuzi; amaSiriya eZoba lawaseRehobi, labantu baseTobi labaseMahaka babebodwa egangeni.

IBhayibhili Elingcwele LesiNdebele

⁸ Ama-Amoni aphuma amisa impi ekungeneni kwesango ledolobho lawo, lapho ama-Aramu aseZobha kanye leRehobhi labantu beThobhi kanye leMahakha babebodwa egangeni.

2 USamuyeli 10:8 ပူးပေါင်းရင်းမြစ်များ

2 USamuyeli 10:6

Lapho amaAmoni esebonile ukuba aseyisinengiso kuDavida, aqatsha amaSiriya aseBeti‐Rehobi lawaseZoba, amabutho ahamba ngenyawo ayeyizinkulungwane ezingamatshumi amabili, lenkosi yaseMahaka ilabantu abayinkulungwane, labantu baseTobi abazinkulungwane ezilitshumi lambili.

2 USamuyeli 10:7

Kwathi lapho uDavida esekuzwile lokho wathumela uJowabi layo yonke impi yamaqhawe.

2 USamuyeli 10:9

Lapho uJowabi esebonile ukuba impondo zempi zimhanqile ngaphambili langemuva, wakhetha abanye kwabakhethiweyo koIsrayeli, wabahlela ukuba balwe lamaSiriya.

2 USamuyeli 23:34

loElifeleti indodana kaAhasibayi indodana yomMahakathi, loEliyamu indodana kaAhithofeli waseGilo,

1 AmaKhosi 11:24

Yena wazibuthela abantu, waba ngumkhokheli wexuku lezigebengu; baya eDamaseko, bahlala khona, bamenza inkosi khona.

1 ImiLando 19:7

Baqatsha inqola zokulwa ezizinkulungwane ezingamatshumi amathathu lambili kanye lenkosi yaseMahaka lempi yayo eyeza yamisa eduze leMedeba; lamaAmoni aphuma emizini yawo, eza ekulweni.

1 ImiLando 19:9

AmaAmoni aphuma amisa impi ngasesangweni lomuzi, lawomakhosi ayeze ekulweni amisa wodwa egangeni.

UJeremiya 40:8

baya kuGedaliya eMizipa, oIshmayeli indodana kaNethaniya, loJohanani indodana kaKareya, loSeraya indodana kaTanihumethi, lamadodana kaEfazi waseNetofa, loJezaniya indodana kaMahakathi, bona labantu babo.

AmaNani 13:21

Basebehamba, balihlola ilizwe kusukela enkangala yaseZini kuze kube seRehobi, ngasekungeneni kweHamathi.

UJoshuwa 19:28

leEbroni leRehobi leHamoni leKana laze lafika eSidoni elikhulu.

Abahluleli 1:31

UAsheri kabaxotshanga abaseAko labaseSidoni labaseAhilabi labaseAkizibi labaseHeliba labaseAfiki labaseRehobi;

Abahluleli 11:3

UJefta wabaleka kubafowabo, wayahlala elizweni laseTobi. Abantu abagangileyo babuthana kuye, bamlandela.

Abahluleli 11:5

Kwathi ekulweni kwawo loIsrayeli abadala baseGileyadi bahamba bayathatha uJefta elizweni laseTobi,