2 USamuyeli 10:6 - iBhayibhili Elingcwele 1978

⁶ Lapho amaAmoni esebonile ukuba aseyisinengiso kuDavida, aqatsha amaSiriya aseBeti‐Rehobi lawaseZoba, amabutho ahamba ngenyawo ayeyizinkulungwane ezingamatshumi amabili, lenkosi yaseMahaka ilabantu abayinkulungwane, labantu baseTobi abazinkulungwane ezilitshumi lambili.

IBhayibhili Elingcwele LesiNdebele

⁶ Kwathi ama-Amoni esebonile ukuthi ayeseliphunga elibi emakhaleni kaDavida, aqhatsha izinkulungwane ezingamatshumi amabili zamabutho ama-Aramu ahamba ngezinyawo evela eBhethi-Rehobhi kanye leZobha, ndawonye lenkosi yaseMahakha labantu abayinkulungwane, labanye abazinkulungwane ezilitshumi lambili abavela eThobhi.

2 USamuyeli 10:6 ပူးပေါင်းရင်းမြစ်များ

UGenesisi 34:30

UJakobe wasesithi kuSimeyoni loLevi: Lingihluphile, lingenze ukuba ngibe ngonengekayo phakathi kwabantu belizwe, phakathi kwamaKanani lamaPerizi; njengoba siyingcosana, bazakungihlanganyela bangibulale, ngichitheke mina lendlu yami.

2 USamuyeli 10:5

Esekubikelwe lokho uDavida wathumela umuntu ukuzihlangabeza ngoba ayeselenhloni kakhulu lawomadoda; wasesithi: Hlalani eJeriko zize zihlume indevu zenu, beselibuyake.

2 USamuyeli 10:7

Kwathi lapho uDavida esekuzwile lokho wathumela uJowabi layo yonke impi yamaqhawe.

2 USamuyeli 16:21

Wathike uAhithofeli kuAbisalomu: Ngena abanye abafazi bakayihlo abatshiywe ukuba balinde indlu; wonke uIsrayeli uzakuzwa ukuba usuyisinengiso kuyihlo, baqine bonke abakulandelayo.

2 USamuyeli 23:34

loElifeleti indodana kaAhasibayi indodana yomMahakathi, loEliyamu indodana kaAhithofeli waseGilo,

2 USamuyeli 8:12

eEdoma, eMowabi, lakumaAmoni, lakumaFilistiya, leAmaleki, lasempangweni kaHadadezeri indodana kaRehobi, inkosi yaseZoba.

2 USamuyeli 8:3

UDavida wabuya wahlasela wanqoba uHadadezeri indodana kaRehobi inkosi yaseZoba, ekuhambeni kwakhe ukubuyisa umbuso wakhe ngasemfuleni iYufrathi.

2 USamuyeli 8:5

Lapho amaSiriya aseDamaseko efika ukusiza uHadadezeri inkosi yaseZoba, uDavida wabulala abantu abayizinkulungwane ezingamatshumi amabili lambili kumaSiriya.

1 AmaKhosi 11:24

Yena wazibuthela abantu, waba ngumkhokheli wexuku lezigebengu; baya eDamaseko, bahlala khona, bamenza inkosi khona.

2 AmaKhosi 7:6

Ngoba iNkosi yenza impi yamaSiriya ukuba izwe umsindo ongathi wenqola zokulwa wamabhiza lempi enkulu; akhulumisana esithi: Inkosi yakoIsrayeli isisibizele amakhosi amaHethi lamakhosi aseGibithe ukusihlasela.

AmaHubo 48:4

Ngoba, khangela, amakhosi abuthana, aqhubeke kanyekanye;

U-Eksodasi 5:21

zathi kubo: INkosi ilibone ilitshaye; ngoba lisenze sazondeka kuFaro lasencekwini zakhe; libeke umkhonto ezandleni zazo ukuba zisibulale.

Izaga 25:8

Ungaphangisi ukulandisela umthonisi lokho okubonileyo; ngoba uzakwenza njani ekucineni lapho omunye esetshengisa ukuthi wena uphambanisile na?

UJeremiya 40:8

baya kuGedaliya eMizipa, oIshmayeli indodana kaNethaniya, loJohanani indodana kaKareya, loSeraya indodana kaTanihumethi, lamadodana kaEfazi waseNetofa, loJezaniya indodana kaMahakathi, bona labantu babo.

UJeremiya 46:21

Lamabutho alo aqatshiweyo akhona phakathi kwalo anjengamathole anonileyo; abuyela emuva, abaleka kanyekanye, kawemanga, ngoba usuku lokuhlupheka kwawo luwehlele, isikhathi sokutshwaywa kwawo.

UDutheronomi 3:14

UJayiri umntakaManase wathatha lonke ilizwe laseArigobi, ngitsho iBashani, kuze kube semngceleni wamaGeshuri lowamaMahakathi; wayibiza imizi ngebizo lakhe wathi yiHavothi‐Jayiri, kuze kube lamuhla.

Abahluleli 11:3

UJefta wabaleka kubafowabo, wayahlala elizweni laseTobi. Abantu abagangileyo babuthana kuye, bamlandela.

Abahluleli 11:5

Kwathi ekulweni kwawo loIsrayeli abadala baseGileyadi bahamba bayathatha uJefta elizweni laseTobi,

Abahluleli 18:28

Kwakungekho owayengabalamulela, ngoba umuzi wabo wawukhatshana leSidoni, bengasebenzelani lamaAramu. Wawusesihotsheni saseBeti‐Rehobi. AbakoDani bawuvusa umuzi, bahlala kiwo.

1 USamuyeli 13:4

Bonke abakoIsrayeli bezwa kuthiwa uSawuli ubulele induna yamaFilistiya lokuthi uIsrayeli useyisinengiso kumaFilistiya. Abantu bonke babizwa ukulandela uSawuli eGiligali.

1 USamuyeli 27:12

UAkishi wamthemba uDavida wathi: Uzenze wazondeka ebantwini bakibo koIsrayeli. Ngakhoke uzakuba yinceku yami kuze kube nininini.